Цаг уурын өөрчлөлттэй тэмцэхээр Герман улсад махны татварыг нэмэх саналыг оруулаад байна. Германы Социал демократ болон Ногоон намын улс төрчид махны нэмэгдсэн өртгийн албан татварыг ихэсгэн 19 хувь болгохоор санал гаргаад байна. Одоогоор мах нь бусад хүнсний адил 7 хувийн татвартай байгаа аж. Судалгаагаар нэг кг үхрийн махыг бэлтгэхийн тулд 13-15 мянган литр ус ашигладаг бөгөөд НҮБ-ын Хүнс хөдөө аж ахуйн байгууллагын үзэж байгаагаар хүмүүсийн ялгаруулж буй нийт хүлэмжийн хийн тавны нэгийг махны үйлдвэрлэл эзэлж буй аж.