Монгол Улсын Үндсэн хуульд оруулах нэмэлт, өөрчлөлтийн төслийн талаар Ерөнхийлөгчийн Тамгын газрын дарга З.Энхболд МҮОНТ-ийн “Монгол Улсын Үндсэн хуульд оруулах нэмэлт өөрчлөлтийн төсөл” цуврал хэлэлцүүлгийн үеэр хэлсэн онцлох ишлэлээс хүргэе.

• Засгийн газрын гишүүдийг УИХ-аас томилохгүй байх хуулийг Ерөнхийлөгч өргөн барьсан. Учир нь УИХ-ын гишүүд сайд болчихоод гишүүнийхээ ч ажлыг хийхгүй, сайдынхаа ч ажлыг хийхгүй ажил завсарддаг.
• Хоёрдугаарт УИХаас Засгийн газарт тавих хяналт хангалтгүй байна. Өөрөө дотор нь орж суучихаад ,өөрийнхөө ажлыг хянана гэж юу байхав.
• Яагаад заавал Ерөнхий сайдыг парламентын гишүүн байхыг шаардаад байна гэхээр парламентын засаглалтай орнуудын хувьд сонгуульд намын дарга нар намаа тэргүүлж орж, сонгуульд ялаад шууд Ерөнхий сайд болдог. Ялсан намын дарга Ерөнхий сайдаар хэнийг томилох вэ гэдэг уралдаан дэлхий дээр хаана ч явагддаггүй.
• Нэгэнт намаа сонгуульд ялуулсан бол Ерөнхий сайд болно. Ялагдсан намын дарга ажлаа өгдөг жишиг байгаа.. Энэ жишгийг бид 1992 оны Үндсэн хуульд тодорхой зааж өгөөгүй учир гудамжинд явж байсан хэн нэгэн сонгуульд оролцоогүй шууд Ерөнхий сайд болсноос үүдэж олон асуудал дагуулсан.
• УИХ нь хууль тогтоох ажлаа хийнэ. Засгийн газар хуулийг хэрэгжүүлэх, гүйцэтгэх үүрэг хүлээнэ. УИХ Засгийн газрыг ажлаа хэрхэн хийж байгаад хяналт тавина.
• УИХын гишүүдийн ирцийн асуудал шийдэгдэнэ. Хуралдаа суухаас өөр ямар нэг ажил хийж болохгүй.
• Намын дарга Ерөнхий сайд болох ёстой гэвэл, сонгуулийн явцад намынхаа хүмүүсийг араасаа жагсааж, түүчээ тогоруу нь болж Ерөнхий сайд хийх мандатаа олж авч байна гэсэн үг.
• Дэлхий нийтийн жишгийг дагая. Дөрвөн жилийн хугацаанд намын дарга ажиллаад сонгуульд ялуулсан байхад Ерөнхийлөгч нь гудамжинд явж байсан хэн нэгнийг Ерөнхий сайдаар сонгож болохгүй. Намын хагарал үүнээс улбаатай.
• Дэлхийд мөрдөгдөж байгаа парламентын системийг авах гэж байгаа бол бүгдийг нь хэрэгжүүлэх ёстой.
• УИХ таван жилийн хугацаатай бол Засгийн газар ч мөн таван жил гэж тусгасан. Иргэдийн хурал, бүх шатны Засаг дарга таван жил. Нэг жил бүх шатны сонгууль явагддаг байя.
• Ялсан нам өөрт ашигтайгаар хуулийг өөрчилдөг. Тэр эрх чөлөөг УИХ-д өгөхгүй. 108 болно уу 76 байна уу . Ямартай ч 50/50 хувиар 20,30 жил Үндсэн хуулиа өөрчлөхгүй яваад үзье.
• Тоглоомын дүрэм тодорхой. Намууд зөв бэлтэл хийе. 20,30 жил таван удаа сонгууль явагдсаны дараа УИХ ч төлөвшинө. Парламентаас томилогдсон Засгийн газар ч төлөвшинө.