Нэмэгдсэн өртгийн албан татвараас чөлөөлөх тухай хуулийн төсөл өргөн барив

Б.Мөнхцацрал / Улстөр

Улсын Их Хурлын дарга Г.Занданшатарт өнөөдөр (2019.08.13) Гаалийн албан татварыг хөнгөлж, буцаан олгох тухай, Нэмэгдсэн өртгийн албан татвараас чөлөөлөх тухай хуулийн төслүүдийг Улсын Их Хурлын гишүүн, Засгийн газрын гишүүн, Уул уурхай, хүнд үйлдвэрийн сайд Д.Сумъяабазар өргөн мэдүүлэв.

Монгол Улсын Засгийн газрын 2016-2020 оны үйл ажиллагааны хөтөлбөрийн 2.70-д заасан зорилтыг хэрэгжүүлэхээр “Монгол газрын тос боловсруулах үйлдвэр” төрийн өмчит хязгаарлагдмал хариуцлагатай компани Дорноговь аймгийн Алтанширээ сумын нутагт жилд 1.5 сая тонн газрын тос боловсруулах хүчин чадалтай үйлдвэрийн төслийг хариуцан ажиллаж байна.

Газрын тос боловсруулах үйлдвэрийн дэд бүтцийн ажлыг 2018 оны 2 дугаар сараас эхлүүлсэн бөгөөд төмөр зам, авто зам болон цахилгаан дамжуулах агаарын шугам барьж байгуулах төслүүдийг энэ оны 09 дүгээр сард бүрэн дуусгахаар төлөвлөн ажиллаж байна. Үйлдвэрийн барилга-угсралтын ажилд 2020 онд 1000, 2021 онд 2000, 2022 онд 2000, 2023 онд 2000 орчим инженер, техникийн болон туслах ажилтан оролцоно хэмээн тооцоолсон бөгөөд тэдгээрийг ажиллаж, амьдрах нөхцөлөөр хангах үүргийг Монголын тал хүлээгээд байгаа. Иймд Дорноговь аймгийн Сайншанд суманд 550 айлын орон сууц бүхий газрын тосны үйлдвэрийн ажилчдын хотхоныг энэ оны III улиралд эхлүүлэн 2022 онд ашиглалтад хүлээлгэн өгөхөөр төлөвлөжээ.

Хөгжлийн банкны зээлийн санхүүжилтээр хэрэгжүүлж байгаа 1.5 сая тонн газрын тос боловсруулах хүчин чадалтай үйлдвэрийн төслийн нийт төсөвт өртгөөс хэмнэсэн хөрөнгөөр газрын тосны үйлдвэрийн ажилчдын хотхоны бүтээн байгуулалтыг санхүүжүүлэх юм. “Газрын тос боловсруулах үйлдвэр барих төслийн талаар авах зарим арга хэмжээний тухай” Монгол Улсын Засгийн газрын 2019 оны 04 дүгээр сарын 03-ны өдрийн 129 дүгээр тогтоолоор хотхоны бүтээн байгуулалтын санхүүжилтийн асуудлыг шийдвэрлэсэн бөгөөд шаардагдах бараа материал, тоног төхөөрөмжийг татвараас чөлөөлөхөөр хуулийн төслийг боловсруулсан байна.

Дорноговь аймгийн Сайншанд суманд баригдах 550 айлын орон сууц бүхий газрын тос боловсруулах үйлдвэрийн ажилчдын хотхоны төсөлд шаардагдах арматур, цемент, тоосго гэх мэт барилгын материалыг дотоодын аж ахуйн нэгжээс худалдан авах бөгөөд бүтээн байгуулалтын үндсэн хөрөнгө бий болгоход шаардагдах, өөр бусад зорилгоор ашиглах боломжгүй бараа материалд төлсөн гаалийн албан татварыг хөнгөлж, буцаан олгох нь газрын тос боловсруулах үйлдвэр байгуулах төсөлд төрөөс үзүүлж байгаа бодит дэмжлэг болно хэмээн үзжээ. Түүнчлэн хотхоны бүтээн байгуулалтад шаардлагатай импортоор оруулах бараа материалыг нэмэгдсэн өртгийн албан татвараас чөлөөлөх тухай хуулийн төслийг боловсруулсан байна хэмээн Улсын Их Хурлын Хэвлэл мэдээлэл, олон нийттэй харилцах хэлтсээс мэдээлэв.


Сэтгэгдэл

зочин [66.181.161.23] 2019-08-14 13:10:19

Сүүлийн үед сайхан бүтээн байгуулалтууд хийгдэж байгаад баяртай байна. Зөв шийдвэр зөв бодлого сайхан юм аа

Иргэн [203.91.118.180] 2019-08-14 09:14:31

УБ хотод шинэ журам хэрэгжиж байгаатай холбоотой хууль гаргаж иргэдийн автомашин ашиглахтай холбоотой баахан тогуулийг рүчингүй болгож өршөөл үзүүлж болохгүй юм байхдаа, өөрсдөө хэдэн тэрбумын татвараас олгархиудыг хөнгөлж байж ядарсан иргэдийнхээ торгуулийг ганц удаа хүчингүй болгох сэтгэл энэ төрд алгаа

ккк [59.153.85.124] 2019-08-14 08:06:36

за хөөрхий ингээд энэ үйлдвэрээр далимдуулаад өөрсдөдөө хөнгөлөлт авчихлаа даа. мэдээлэхдээ газрын тос гээд батлагдахдаа олигархиудын бизнест зориулсан өршөөлийн хууль болох байх даа. дашии шоог гэдэг л боллоо доо

myagaa [202.21.120.211] 2019-08-14 02:15:02

ХХОАТатвар, НДШ нэртэй татвар бага орлоготой иргэдээ мөлжиж байгаа нэг хэлбэр... нэгийн л авхад болно.

GG [202.126.89.136] 2019-08-13 23:37:35

Баруунд Евро6 гарсан байна юун Евро5 ! ! !

TR [103.242.47.86] 2019-08-13 23:15:33

Euro 5 сайн шатхуун үйлдвэрлэвэл мөн сайхнаа. энэ муу мал олигарх бензинээр баяжсан хувалзнууд л хөөрхий байнадаа. энэ үйлдвэр ашиглалтанд орвол бензиний үнэ ердөө 500 орчим төгрөгөнд баригдах боломжтой болно...

Зочин [103.57.95.242] 2019-08-13 20:55:46

Шинэ үйлдвэр нь Евро5 ийн цэвэр бензин үйлдвэрлэх юмуу эсвэл Евро2 ын тав дахин бохир хортой утаа гаргадгаа хийхийн болуу

халх хүн [66.181.179.108] 2019-08-13 22:08:13

өмхий амаа хамхи чи


8 сэтгэгдэл байна
1000 тэмдэгт оруулах үлдлээ.
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
8 сэтгэгдэл байна
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.