Орон сууц, бараа бүтээгдэхүүний үнэ огцом өсч залуу гэр бүл болон бусад иргэдийн амьдралд багагүй дарамт болсоор удаж байна. Бид ч төр засгаас ямар л шийдвэр гарна дагаж мөрдөөд, зохицож амьдраад дасчихсан ард түмэн. Төрийн түшээд нь ч үүнийг овжноор ашиглаж өөрсөддөө ашигтайгаар хууль баталж, хэрэгжүүлдэг, Ерөнхий сайд У.Хүрэлсүхийн хэлдгээр хийхгүй зүйл гэж алга, ЖДҮ-дэнэ, концессдоно. Энэ мэт угжирсан асуудалд БНН-ын дарга Б.Жаргалсайхан дараах байр суурийг илэрхийлжээ.

Тэрбээр ”Банк, барилгын салбарынхан иргэдийг дээрэмдэхээ болих хэрэгтэй. Учир нь орон сууцны метр кв-ыг 600 мянган төгрөгөөр барьдаг. Гэтэл 2.500.000 төгрөгөөр зарж байна. За болоогүй хоёр сая таван зуун мянгаар үнэлчихсэн байрыг банк аваад жилийн 10 хувийн хүүтэй иргэдэд өгдөг. Өөрөөр хэлбэл та 100 сая төгрөгөөр байшин авсан бол 10 жилийн дараа 200 сая төгрөг болгож төлөх нь. Ингээд 600.000 мянган төгрөгийн байшинг найм дахин нугалж зардаг. Үүнийг хэрхэн зохицуулах вэ. Больмоор байна. Иргэн баян бол улс баян, Швецарь луугаа улс мэт бид хөгжих ёстой хэмээн хэлсэн үг бий. Өнөөдөр иргэдээ орлоготой, мөнгөтэй болгож байж эдийн засгийн өсөлт бий болно. Хөгжлийг хүний төлөө хийх үү, хөгжлийн төлөө хүн амьдрах уу? Бас нэг аюул байна. Хөдөө орон нутаг эзгүйрлээ. Үндсэндээ бүх аймаг орон нутгаас залуучууд хот суурин газар нүүн ирсээр. Дахин энэ байдлаараа 10 жил болбол мал аж ахуй үгүй болно. Мөн Монголд бизнесс хийх ямар ч боломж алга. Монголд үйлдвэрлэж болох бүх бараа бүтээгдэхүүний татварыг яаралтай нэмэх хэрэгтэй байна”хэмээжээ.