Ерөнхий сайд У.Хүрэлсүх Ноён уулыг улсын тусгай хэрэгцээнд авч, дархан цаазат газар болгох асуудлыг Засгийн газрын хуралдаанаар хэлэлцүүлэхийг БОАЖ-ын сайд Н.Цэрэнбат, УУХҮ-ийн сайд Д.Сумъяабазар нарт үүрэг болголоо.

“Ноён уулаа аврах хөдөлгөөн” НҮТББ-ын зүгээс олон жилийн турш Ноён уул орчимд уул уурхай эрхлэхийг эсэргүүцэж буйгаа илэрхийлсээр байгаа. Түүнчлэн “Сентеррагоулд Монголия” ХХК-ийн эзэмшилд байх 372А, 431А, 5082А, 10810А тоот ашиглалтын тусгай зөвшөөрлүүдийг хүчингүй болгох ёстой гэсэн агуулга бүхий тэдний нэхэмжлэлийг хэлэлцэх шүүх хурал 40 гаруй удаа болж, өнөөдрийг хүрчээ.