Үндсэн хууль зөрчсөн гэж үзэж хүчингүй болгохоор эцэслэн шийдвэрлэв

Aдмин / Хууль

Монгол Улсын Үндсэн хуулийн цэц Сонгуулийн тухай хуулийн 12 дугаар зүйлийн 12.1, 12.3 дахь хэсэг, Улсын Их Хурлын сонгуулийн 42 дугаар тойрогт нөхөн сонгууль товлон зарлах, санал авах өдрийг тогтоосон, мөн зардлын хэмжээг баталсан Улсын Их Хурлын 2019 оны 22, 23 дугаар тогтоолын зарим заалт Үндсэн хуулийн холбогдох заалтыг зөрчсөн байна гэсэн дүгнэлтийг өмнө нь гаргасан билээ.

Улсын Их Хурал уг дүгнэлтийг хэлэлцээд хүлээн зөвшөөрөх боломжгүй гэж үзсэн тул уг маргааныг дахин хянаж, эцэслэн шийдвэрлэх Үндсэн хуулийн цэцийн их суудлын хуралдаан өнөөдөр /2019-10-09/ боллоо.

Хуралдаанаар Сонгуулийн тухай хуулийн 12 дугаар зүйлийн 12.1, 12.3 дахь хэсэг Үндсэн хуулийн Нэгдүгээр зүйлийн 2 дахь хэсэг, Арван зургадугаар зүйлийн 9, 10 дахь заалт, Арван есдүгээр зүйлийн 1 дэх хэсэг, Далдугаар зүйлийн 1 дэх хэсгийг, Монгол Улсын Их Хурлын 2019 оны 22, 23 дугаар тогтоол нь Үндсэн хуулийн Нэгдүгээр зүйлийн 2 дахь хэсэг, Арван есдүгээр зүйлийн 1 дэх хэсэг, Далдугаар зүйлийн 1 дэх хэсгийг тус тус зөрчсөн гэж үзэж хүчингүй болгохоор эцэслэн шийдвэрлэв.

Мөн Монгол Улсын Үндсэн хуулийн цэцийн 2019 оны 02 дугаар дүгнэлтийг хүлээн зөвшөөрөх боломжгүй гэж үзсэн Монгол Улсын Их Хурлын 2019 оны 66 дугаар тогтоолыг хүчингүй болгов.


Сэтгэгдэл

Хан Хэнтий [150.129.142.132] 2019-10-10 10:11:11

Уулаасаа манай Хэнтийд 2 тойрог хаваасаг. Манайхтай ойролцоо хүн амтай Булган, Сүхбаатар, Говь-Алтай ганц ганц тойрогтой байхад. Ичмээр юм. Чандаганы талыг чацага болгосон загалд тойрог өгөх гэсэн АНусын луйвар шдээ.

Зочин [103.212.116.83] 2019-10-09 22:20:48

Ажил хийсэн болж байн даа

Иргэн [59.153.85.86] 2019-10-09 20:53:58

УИХ 76 ГИШҮҮНТЭЙ БАЙНА ГЭСЭН ҮНДСЭН ХУУЛИЙН ЗААЛТ ЯАХ БОЛЖ БАЙНАА. ЦЭЦИЙН ГИШҮҮДЭЭ. ЦЭЦЭРЛЭГИЙН ХҮҮХЭД Ч 76 ГЭДЭГ ТООГ МЭДНЭ ШҮҮ.

Иргэн [59.153.114.42] 2019-10-09 20:48:07

Манай УИХ-ын ишүүд гэж ямар хүмүүс байна аа. Нямдорж ганццараа зүтгээд дийлэхгүй байна даа.


4 сэтгэгдэл байна
1000 тэмдэгт оруулах үлдлээ.
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
4 сэтгэгдэл байна
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.