Монгол Улс санхүүгийн түүхийн музейтэй дэлхийн цөөхөн хотуудын нэг болжээ

Ц.Анударь / Боловсрол

төрөлхтний санхүү, эдийн засгийн салбарын түүхийг хэдэн мянган жилээр өгүүлэх, дэлхийд нэн ховор, баялаг үзмэр бүхий “Дэлхийн санхүүгийн түүхийн музей”-г эдийн засагч Өлзийбаярын Ганзориг энэ сарын 23-нд нээжээ. Ингэснээр Улаанбаатар хот нь санхүүгийн түүхийн музейтэй дэлхийн цөөхөн хотуудын нэг болж байгаа юм.

Музей нь нэн ховор, хэмжээлшгүй үнэ цэн бүхий 1,000 гаруй үзмэртэй

Тус музей нь нэн ховор, хэмжээлшгүй үнэ цэн бүхий 1,000 гаруй үзмэртэй бөгөөд түүхэн болон соёлын өвийн ач холбогдлоороо Америк, Англи, Хятад дахь ижил төстэй музейтэй хүчтэй өрсөлдөхүйц, өргөн цар хүрээг хамарсан, чансаатай музей болжээ хэмээн мэргэжилтнүүд өндрөөр үнэлсэн байна.

Мөн мэргэжлийн бус хүмүүс ойлгоход төвөгтэй бонд, банк, даатгал, хөрөнгийн зах зээл, хямрал зэрэг эдийн засгийн шинжлэх ухааны ойлголтуудыг диаграмм зураг, уран сайхны дүрслэл, дижитал тоглоом ашиглан тайлбарлаж, үзмэрийн тайлбаруудыг монгол, англи хэл дээр буулгасан нь Монголчуудад төдийгүй гадаадын жуулчдад санхүүгийн боловсрол олгох томоохон төв болжээ хэмээн сайшаажээ.

image

Дэлхийн санхүүгийн түүхийн музейг үүсгэн байгуулагч, эдийн засагч Ө.Ганзориг нь 2003 оноос хойш иргэдийн санхүүгийн боловсролыг дээшлүүлэх зорилгоор их дээд сургуулийн оюутан, залуус, банк санхүүгийн салбарын мэргэжилтнүүд, олон нийтэд хичээл зааж, илтгэл тавих үедээ санхүү эдийн засгийн нарийн төвөгтэй ойлголтуудыг түүхтэй нь холбож тайлбарлах нь хүмүүст илүү ойлгомжтой байгааг анзаарсан байна. Тиймээс 13 жилийн турш тасралтгүй судалгаа шинжилгээ, эрэл хайгуул хийж, шаргуу хөдөлмөрлөснийхөө үр дүнд Дэлхийн санхүүгийн түүхийн музейн үзмэрүүдийг цуглуулан, олон нийтийн хүртээл болгов.

Тэрбээр музейг нээж хэлсэн үгэндээ: “Монголчууд дэлхийн санхүүгийн түүхийг нэг дор, тэр дундаа Улаанбаатар хотдоо үзэх боломж бүрдсэнд туйлын баяртай байна. Би энэ мөчийн төлөө амьдралынхаа 13 жилийг зарцуулжээ” хэмээн баярын сэтгэгдлээ хуваалцсан байна.


Сэтгэгдэл

ZAP [202.131.228.66] 2019-12-12 08:57:16

ZAP [202.131.228.66] 2019-12-12 08:57:16

Зочин [66.181.176.247] 2019-11-12 07:16:13

Мэдээлэл өгч байгаа юм бол бүрэн бүтэн өгч байгаач

Зочин [103.10.21.46] 2019-11-05 05:44:43

Монгол улс гэдэх хоттой болоо юу даа

зочин [202.9.44.115] 2019-11-01 03:36:45

Баасан ламын нөр их хөдөлмөр орсон гэж бодож бна. Бэлэн юмыг нь эзэнийг хорлож авч өөртөө нялзаахыг хүлээнн зөвшөөрөхгүй ээ

ЗОЧИН [49.0.135.63] 2019-11-01 02:51:31

ХААНА БАЙДГИЙГ НЬ БИЧЭЭЧЭЭ. ОЧИЖ ҮЗМЭЭР БАЙНА.

zochin [202.131.239.162] 2019-11-01 02:14:20

yg zub

зочин [66.181.180.251] 2019-11-01 02:12:32

Монголд сүүлийн 30 жилд хулгай,луйварын бизнесийн улстөрийн бүлэглэл хамтарч монголын банk санхүү,эдийн засгийн унагааж дэлхийн улс орны сүүл мушгиваа,эдийн засаг банk санхүүг бариж зохицуулж чадах хүн монголд байхгүй юм бна гэдэг ни саарал жагсаалтаар нотлогдов оо,


8 сэтгэгдэл байна
1000 тэмдэгт оруулах үлдлээ.
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
8 сэтгэгдэл байна
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.