“Сүүний үйлдвэрүүдэд мөрдөх Хүнсний аюулгүй байдлын менежментийн систем ба олон улсын стандартууд” сургалт боллоо

Aдмин / Эрүүл мэнд

НҮБ-ын Аж үйлдвэр хөгжлийн байгууллага нь Европын Холбооны санхүүжилтээр ХХААХҮЯ, НҮБХХААБ-тай хамтран хэрэгжүүлж буй “Хөдөлмөр эрхлэлтийг дэмжих (SECiMC2)” төслийн хүрээнд “Сүүний үйлдвэрүүдэд мөрдөх Хүнсний аюулгүй байдлын менежментийн систем ба oлон улсын стандартууд” сэдэвт олон улсын сургалтыг өнөөдөр Хангарди ордонд зохион байгууллаа.

Уг сургалтыг Нийслэлийн ЗДТГ болон Монголын хүнсчдийн холбоотой хамтран зохион байгуулжээ. Сургалтад Улаанбаатар болон орон нутгийн сүүний үйлдвэрийн төлөөллүүд, Нийслэлийн ХХААГ-ын болон Мал эмнэлгийн газрын мэргэжилтнүүд зэрэг нийт 40 гаруй хүн хамрагдсан байна.

Сургалтыг “Хөдөлмөр эрхлэлтийг дэмжих (SECiMC2)” төслийн олон улсын эксперт ноён Исса Али Бэйтуни Монголын сүү, бяслаг үйлдвэрлэгчдэд зориулж сүү үйлдвэрлэлд шаардагдах хүнсний аюулгүй байдлын олон улсын стандартууд, шаардлагууд, үүнд хүнс үйлдвэрлэлийн зохистой дадал (GMP), хүнсний аюулгүй байдлын менежментийн систем - FSMS (ISO22000), аюулын дүн шинжилгээ ба эгзэгтэй цэгийн хяналт (HACCP) ба HALAL үзэл баримтлал сэдвүүдээр гурван өдрийн туршид зохион байгуулах аж. Сургалтад хамрагдсан үйлдвэрлэгчдэд гэрчилгээ олгох юм байна.

Нийслэлийн ЗДТГ-ын Хэвлэл мэдээлэлтэй харилцах хэлтэс


Сэтгэгдэл

ZAP [202.131.228.66] 2019-12-12 16:56:24

ZAP [202.131.228.66] 2019-12-12 16:56:24

Зочин [66.181.161.9] 2019-11-22 19:08:03

Haana hezee boloh be surgaltand suumaar bna


3 сэтгэгдэл байна
1000 тэмдэгт оруулах үлдлээ.
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
3 сэтгэгдэл байна
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.