УИХ-ын гишүүн Ж.Батзандан:Хэвлэл мэдээллийг сайжруулж чангатгахын тулд энэ хуулинд ямар өөрчлөлт орж байна вэ.Хэвлэл мэдээллээр дамжуулж, нийгмийн тархи угаалтыг хийдэг. Мөн худал үнэн мэдээллийг хязгааргүй цацаж, гүтгэлэг тараадаг энэ явдал хэрээс хэтэрч байгаа. Хэвлэл мэдээллийн хэрэгслийн хариуцлагыг яаж чангатгаж өгсөн вэ. Одоо үзэгчдийг рекламаар хүчирхийлдэг болсон. Хэвлэл мэдээллийн хүчирхийлэл гэдэг зүйл орчин үед бий болчихсон. Үүнийг эсрэг хуулийн ямар бодлого орж ирж байна вэ.

УИХ-ын гишүүн С.Бямбацогт: 2005 онд радио телевизийн тухай хуулийг баталсан. Энэ нь Монголын радио телевизийн тухай хуулийг зохицуулж байгаа. Цаана нь 80 гаруй телевиз Монгол Улсын нутаг дэвсгэр дээр үйл ажиллагаа явуулж байна. Эдгээрийн үйл ажиллагааг зохицуулж оюуны бүтээлийг хэрхэн яаж үнэлж явах юм вэ. Хийсэн контентыг яаж урамшуулдаг байх юм вэ. Монголын түүх, зан заншил, уламжилж хадгалж явах, хүүхэд багачуудын хүмүүжилд эерэг нэвтрүүлэх байх ёстой. Иймээс тодорхой ажил хийх шаардлагатай байсан учраас төслийг 2016 онд МУ-ын УИХ-д Засгийн газраас өргөн мэдүүлсэн. Нэлээд удаан хугацаанд яригдаж байгаад батлагдахаар явж байна. Монгол контентыг дэмжих бодлогыг агуулж байгаа. Мөн өргөн нэвтрүүлгийн үйлчилгээ эрхлэх хоорондын болон үйлчилгээ эрхлэгч, хэрэглэгч хоёрын хоорондын харилцааг зохицуулах шаардлагатай. Нэг талаас нэвтрүүлэг бэлдээд шахаад байхгүйгээр хэрэглэгчдийн эрэлт хэрэгцээ, сэтгэлд нийцүүлэх хэрэгтэй гэдэгт анхаарах ёстой.

Ажлын хэсэг: Өргөн нэвтрүүлгийн хууль батлагдсанаас өргөн нэвтрүүлгийн үйлчилгээг хэнд олгох вэ. Мэргэшсэн сэтгүүлчийг сайжруулж, хариуцлагатай ажиллах үүднээс эзэмшлийн ил тод мэдээлэл, хэт төвлөрлөөс хамгаалах заалтууд орсон байгаа. Мөн хариуцлагатай сэтгүүлчийн ёс зүйг мөрдөх үүрэг орсон байгаа.