Ийм мэдээлэл амралтын өдрүүдэд цахим ертөнцөөр завсар зайгүй цацагдав. . Уг зарлалд Ч.Сайханбилэгтэй холбоотой мэдээллийг худалдаж авах бөгөөд мэдээлэл өгсөн хүнийг нууцална гэжээ.

Уг нь түүнийг олох тийм ч хэцүү биш санагдана. Эхнэр нь болох мисс бүсгүй Шангрилад брэнд нэртэй, өндөр үнэтэй бүтээгдэхүүн зараад байж байхад нөхрийг нь олох гэж тэгж чардайх хэрэг юу байна вэ. Дээр нь бас АТГ гэгч том байгууллага оны өмнөхөн Ч.Сайханбилэгийн байгаа газрыг тогтоосон. Авчрах талаар ярилцаж байгаа гэх мэдээллийг олон нийтэд удаа дараа өгч байсан. Тэр бүү хэл, Ч.Сайханбилэг өөрөө “Арванхоёрдугаар сарын 21-нд эх орондоо очно” гэсэн үгийг хэлсэн нь нотолгоо болж үлдсэн.Х арамсалтай нь, тэр хэлсэн үгэндээ хүрээгүй. Ирээгүй. Одоо түүнийг хайж байна. Ерөнхий сайд асан Ч.Сайханбилэгт АТГ-аас гурван хэрэгт эрүүгийн хэрэг үүсгэн шалгаж байгаа. Түүнийг эрх мэдэл албан тушаалаа урвуулан ашиглаж, "Эрдэнэт" үйлдвэрийн 49 хувийг ОХУ-аас худалдаж авах үйл ажиллагаанд гар бие оролцсон. Ингэхдээ олон хууль зөрчсөн гэж буруутгаж байгаа. Гэтэл Ч.Сайханбилэг өнгөрсөн аравдугаар сард өмгөөлөгчөөрөө дамжуулан шүүхэд хилийн хоригийг цуцлах хүсэлт гаргаад эрүүл мэндийн үйлчилгээ авахаар Монгол Улсыг орхин гарсан юм. Ингэснээр Ч.Сайханбилэг шүүхээс товлосон хугацаандаа эх орондоо ирээгүй, үүнээс болж шүүх хурлыг хоёр ч удаа хойшлуулжээ. Тиймээс түүнийг оргон зайлсан гэдэг үндэслэлээр олон улсад эрэн сурвалжилж байгаа гэх мэдээллийг албаны эх сурвалж хэлж байна.

Хамгийн гол нь Ерөнхий сайд асан Ч.Сайханбилэг бол Оюу толгойн гэрээг самрагч юм. Анхлан байгуулсан Оюу толгойн гэрээнээс илүүтэй тэр Дубайн гэрээг нууцаар байгуулж, Монголын төрийг өрөнд оруулж самарсан этгээд мөнөөсөө мөн. Түүнийг олж ядах юу байхав. Тэр хоёр дахь эх орондоо л нуугдаж байгаа шүү дээ. Үүнийг жирийн иргэн Жигмэд, Тогмид хоёр ч мэднэ.

Монголын төр ийм хүчгүй, ийм тусгаар тогтносон бүрэн эрхт биш гэж үү. Хэдэн луйварчдыг шүүж чадахгүй, хилийн зурвас дамнуулан алдчихдаг нь дэлхийн шившиг. Яг нөгөө 70 кг хар тамхи зөөж, онгоцны үйлчлэгчийн бөгс баздаг шиг! Тэгээд түүндээ тун чиг итгэлтэй олон нийтэд зарлаад л, тусламж гуйгаад л. Арай л өрөвдөлтэй юу.

Зүгээр л очоод аваад ирээч. Яг “ард” Батсүхийг АНУ-аас авчирсан шигээ, аль эсвэл Д.Энхбат агсныг хэдэн улсын хил дамжуулж авчирсан шигээ чирээд ирээч. Тийм чадвар манай ТЕГ-т бий биз дээ. АТГ анхаарлаа хандуул даа.

Н.Саранчимэг