Булган аймгийн Орхон сумын гуравдугаар баг “Сээрийн гарам” гэдэг газарт /сумын төвөөс баруун хойд зүгт 20 км, аймгийн төвөөс баруун урд зүгт 27 км / 65 настай, малчин эрэгтэй Б “Нарийн хайлааст” гэдэг газраас “Лэганс” загварын автомашинтай гарсан ч “Сээрийн гарам” гэдэг газар автомашин нь шатсан байдалтай олдсон байна. Харин малчин Б сураггүй алга болжээ.

Энэ дуудлагыг урьд шөнө буюу нэгдүгээр сарын 16-ны шөнийн 02:00 цагт хүлээн авч тус аймгийн Онцгой байдлын газрын Эрэн хайх аврах салбарын дөрвөн алба хаагч, Цагдаагийн газраас гурван алба хаагч, ар гэрээс зургаан иргэн нийт 13 хүн, нэг эрэлч нохой, дөрвөн автомашинтай 02:16 цагаас эрэн хайх ажиллагааг эхлүүлээд байна.