Цагдаагийн байгууллага гэр бүлийн хүчирхийлэлтэй тэмцэх бие даасан нэгжтэй болжээ

Aдмин / Хууль

Гэр бүлийн хүчирхийлэлтэй тэмцэх тухай хуулийн 25 дугаар зүйлийн 25.2-т ”Тухайн орон нутгийн хүн амын тоо, эрүүгийн болон нийгмийн хэв журмын нөхцөл байдлыг харгалзан цагдаагийн байгууллагын бүтцэд цагдаагийн мэргэшсэн алба хаагчдаас бүрдсэн нэгжтэй байж болно” гэж заасан. Тиймээс Гэр бүлийн хүчирхийлэлтэй тэмцэх ажлын үр дүнг сайжруулж, бүтэц, зохион байгуулалтыг боловсронгуй болгох зорилгоор ЦЕГ-ын даргын 2019 оны арванхоёрдугаар сарын 27-ны өдрийн А/301 дүгээр тушаалаар Гэр бүлийн хүчирхийлэлтэй тэмцэх хэлтсийг байгуулжээ.

Улсын хэмжээнд 2019 онд 35124 гэмт хэрэг бүртгэгдсэн нь өмнөх оны мөн үеэс 4696 хэргээр буурсан үзүүлэлт гэнэ. Гэтэл гэр бүлийн хүчирхийллийн улмаас үйлдэгдсэн гэмт хэрэг 985 бүртгэгдэж, өмнөх оны мөн үеэс 85 хэргээр буюу 7.9 хувиар буурсан бол зөрчил өмнөх оноос 53.9 хувиар өссөн дүнтэй байна.

Гэр бүлийн хүчирхийллийн улмаас үйлдэгдсэн гэмт хэргийн 922 буюу 93.6 хувийг хөнгөн, 63 буюу 6.4 хувийг хүнд гэмт хэрэг эзэлж, 50.2 хувь нь Улаанбаатар хотод, 49.8 хувь нь орон нутагт тус тус бүртгэгджээ.Гэр бүлийн хүчирхийллийн улмаас үйлдэгдсэн нийт хэргийн 459 буюу 46.6 хувь нь согтуугаар, 89 буюу 9.0 хувь нь эмэгтэй хүн үйлдсэн байна.

Тус хэлтэс нь Гэр бүлийн хүчирхийлэлтэй тэмцэх тухай хууль тогтоомжийн хэрэгжилтийг хангах, урьдчилан сэргийлэх ажлыг хэрэгжүүлэх, төрийн болон төрийн бус байгууллагуудтай хамтран ажиллах, нутаг дэвсгэр хариуцсан цагдаагийн байгууллагыг мэргэжил арга зүйн удирдлагаар хангах чиг үүргийг хэрэгжүүлэн ажиллах юм.


Сэтгэгдэл

Зочин [202.9.46.128] 2020-01-18 18:04:11

Цагдаагиин албан хаагч гэр бүлээ зоддог

Зочин [64.119.20.184] 2020-01-18 06:12:24

Хууль хүчнийхэн өөрсөдтэйгээ тэмцэх хэлтэс байгуулж дээ больж дээ гэр бүлийн хүчирхийллийг жирийн монгол цэвэр цустай эрчүүд хийдэггүй л байхгүй юу үүнийг амьгүй албатууд ойлгохгүй дээ

Зочин [103.212.117.220] 2020-01-17 23:48:02

Хэргээ санаж байвал хэргийг хүндрүүлдэг

Зочин [66.181.178.24] 2020-01-17 21:46:04

ухаан муутай эхнэр, хүмүүжилгүй хүүхдээ нэг загнасан хүнийг гэр бүлийн хүчирхийлэл үйлдсэн гэж хуцахаа болиочээ!!!!

Зочин [202.126.89.126] 2020-01-17 17:13:17

Гэрийн бүлийн асуудал эмзэг.Цагдаа оролцоод гэр бүл салгасан гэх асуудал олон гарна.

Зочин [203.91.119.42] 2020-01-17 15:36:08

Орон нутагт мэргэшисэн тасагтаа болох хэрэгтэй шүү.Малын хулгайн тасгууд шиг.

Зочин [103.57.94.106] 2020-01-17 15:19:43

ЦАГДААГИЙН УЛС БОЛЛОО


7 сэтгэгдэл байна
1000 тэмдэгт оруулах үлдлээ.
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
7 сэтгэгдэл байна
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.