ДЭМБ коронавирусийн халдварын тархалттай холбогдуулан шуурхай хуралдаан зарлажээ

Ц.Анударь / Эрүүл мэнд

Дэлхийн эрүүл мэндийн байгууллага /ДЭМБ/ Хятадад дэгдсэн шинэ төрлийн коронавирусний халдварын тархалттай холбогдуулан олон улсын онц байдал зарлах эсэх асуудлыг хэлэлцэхээр лхагва гарагт шуурхай хуралдаан зарласан байна.

Швейцарын Женев хот дахь ДЭМБ-ын төв байранд болох уулзалтын үеэр мэргэжилтнүүд өнгөрсөн 12 дугаар сарын сүүлээс Хятадын Үхань хотод бүртгэгдэж эхэлсэн шинэ вирусний халдварын тархалтын талаар хэлэлцэх ажээ. Хятадад уг вирусний халдварын 300 гаруй тохиолдол бүртгэгдсэнээс 6 хүн нас баржээ.

Мөн шинэ төрлийн коронавирусээр үүсгэгдсэн уушгины хатгалгаа өвчний тохиолдол Тайланд, Япон, БНСУ, Тайвань, АНУ-д бүртгэгджээ. ДЭМБ-ын хэвлэлийн төлөөлөгч Тарик Ясаревич сэтгүүлчдэд мягмар гарагт мэдээлэхдээ, ДЭМБ-ын мэргэжилтнүүдийн баг мэдээлэл цуглуулахаар Үхань хотод очсон гэжээ.

Уг вирусний халдварын тархалттай холбогдуулан олон улсын онц байдал зарласан тохиолдолд ДЭМБ хөл хорио тогтоох гэх мэт шуурхай арга хэмжээнүүдийг авж хэрэгжүүлэхийг улс орнуудад зөвлөх юм.

Эх сурвалж: Монцамэ агентлаг


Сэтгэгдэл


0 сэтгэгдэл байна
1000 тэмдэгт оруулах үлдлээ.
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
0 сэтгэгдэл байна
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.