Автомашин үйлдвэрлэгчид хиймэл амьсгалын аппарат, амны хаалт үйлдвэрлэнэ

Автомашин үйлдвэрлэгчид Засгийн газруудынхаа уриалгыг дагаж, коронавирусний цар тахал дэгдсэн энэ үед хиймэл амьсгалын аппарат, амны хаалт зэрэг бүтээгдэхүүнийг олноор үйлдвэрлэхэд хувь нэмрээ оруулахаар болжээ.
“Fiat” компани даваа гаргаас Хятад дахь үйлдвэрүүдийнхээ нэгийг өөрчилж эхэлсэн бөгөөд тус компани сард нэг сая орчим амны хаалт үйлдвэрлэхээр төлөвлөж байгаа ажээ. "Амны хаалтыг ойрын хэдэн долоо хоногийн дотор үйлдвэрлэж эхэлнэ" гэж “Fiat” компанийн захирал Майк Мэнли цахим шуудангаараа дамжуулан мэдээлсэн байна.
Мөн автомашин үйлдвэрлэгч бусад томоохон компаниуд үйлдвэрүүддээ хиймэл амьсгалын аппарат үйлдвэрлэхээр төлөвлөж байгаа юм. АНУ-ын “General Motors”, “Ford”, “Tesla”, Японы “Nissan” компани, Их Британи дахь “Formula 1” багууд хиймэл амьсгалын аппарат үйлдвэрлэхэд хувь нэмрээ оруулна гэдгээ амлажээ.
АНУ, Европ, Ази дахь автомашин үйлдвэрлэгч томоохон компаниуд халдвар тархахаас урьдчилан сэргийлэх үүднээс үйлдвэрлэлээ зогсоогоод байгаа юм. Гэсэн хэдий ч тэд хиймэл амьсгалын аппарат гэх мэт эмнэлэгт шаардлагатай бусад тоног төхөөрөмжийг үйлдвэрлэхэд тусална гэдгээ илэрхийлсэн байна.
“Ford” компани мягмар гарагт мэдэгдэхдээ, бид “GE Healthcare”, “3M” зэрэг эмнэлгийн бүтээгдэхүүн үйлдвэрлэгчидтэй хамтран ажиллаж, автомашинуудад ашигладаг сэнс, зай хураагуур зэрэг эд ангийг хиймэл амьсгалын аппаратад оруулан загварчлахыг зорьж байна гэжээ.
Тэдгээр компанийн үйлдвэрлэх бүтээгдэхүүнүүд хэзээ бэлэн болох нь хараахан тодорхойгүй байна. Гэсэн хэдий ч “Ford” компани нэвт харагддаг нүүрний хамгаалалтыг хэдийн үйлдвэрлэж эхэлсэн бөгөөд эхний 1000 бүтээгдэхүүнээ Детройт хотын эмнэлгүүдэд энэ долоо хоногт хүргэх төлөвтэй байна. Тус компани энэ долоо хоногт 75 мянга орчим нүүрний хамгаалалт үйлдвэрлэхээр төлөвлөжээ.
“Монполимет”-ийн дансыг царцааж, Ц.Гарамжавыг эрүүгийн хэрэгт холбогдуулан шалгаж байна
Боловсролын зээлийн сангийн Ажлын албаны дарга О.Сийлэгмааг “ажилтнаа зодсон” гэх үндэслэлээр шалгаж байна
XV Далай ламыг албан ёсоор тодруулахаа мэдэгдлээ
Б.Лхагвасүрэн: Тэтгэврийн зээлийг хэрэглээний зээлийн ангиллаас гаргах байдлаар асуудлыг шийдвэрлэж болно
"The Mongolz" багийг ялгаварлалгүй шагнана биз дээ?
2030 оноос баруун гар талдаа жолооны хүрдтэй автомашин импортлохыг хориглоно
Орбан: Европын холбооны ихэнх орны иргэд Украиныг элсүүлэхийг хүсэхгүй байна
Монгол судлал Монголын саятнууд, тэрбумтнуудын нэрээ мөнхлөх боломж, сонирхол
Шимизү Такэнори: Эзэн Хааны айлчлал хоёр орны харилцаа улам гүнзгийрч, хөгжих боломж олгоно гэдэгт итгэлтэй байна
"Иргэдийн халааснаас хэдэн төгрөг гарах, гарахгүйг нэг агентлагийн дарга хувийн компанитай яриад шийддэг байж болохгүй"