ИХ-7: Дэлхийн эрүүл мэндийн байгууллагад санхүүгийн дэмжлэг үзүүлнэ
“Их-7” бүлгийн гишүүн орнууд Дэлхийн эрүүл мэндийн байгууллагад коронавирустэй тэмцэхэд нь санхүүгийн дэмжлэг үзүүлэхээр тохиролцжээ. Энэ тухай “Их-7” бүлгийн гишүүн орнуудын Гадаад хэргийн сайд нарын теле хэлбэрээр явуулсан хурлын дараа Их Британийн Гадаад хэргийн яамны мэдэгдэлд дурджээ.
“Их-7” бүлгийн гишүүн орнууд олон нийтийн эрүүл мэнд болон эн тэргүүнд хийгдэх шаардлагатай байгаа судалгаа шинжилгээний салбарт даруй арга хэмжээ авахын тулд шаардагдаад буй 71 тэрбум паундаар ДЭМБ-ыг хангахад хүчин чармайлт гаргаж, илүү их эрсдэлд ороод байгаа улс орон, ард иргэдэд дэмжлэг үзүүлэхийг үүрэг болгожээ.
Коронавирусний эсрэг вакциныг даруй гарган авах, өвчнийг эмчлэх аргуудыг боловсруулах зорилгоор “Их-7” бүлгийн гишүүн орнуудын Гадаад хэргийн сайд нар Халдварт өвчний бэлэн байдал, инновацийн “CEPI” олон улсын эвсэлд санхүүгийн томоохон дэмжлэг үзүүлэхээр тохиролцжээ.
Олон улсын хамтын ажиллагааны эн тэргүүний чиглэлд ташаа мэдээллээс сэргийлэх, нийлүүлэлтийн хэлхээ, сувгуудын аюулгүй байдлыг хангах, тусгай нислэг үйлдэж буй улс хоорондын агаарын харилцааны аюулгүй байдлыг хангах, хилийн чанадад хямралын нөхцөл байдалд ороод буй гадны иргэдийг нүүлгэн шилжүүлэхтэй холбоотой асуудлуудыг багтаажээ.
Эх сурвалж: Монцамэ
СОНГУУЛИЙН БОСГОН ДЭЭР АМЛАЛТАА ЭРГЭН САНАДАГ “СОЦИАЛИСТ САНДРАЛ”
Л.ХАЛТАР САЙДЫН ХАЛТУУРДАЛТ
УИХ-ын гишүүн асан Н.Ганбямбын хүү Г.Дөлгөөн 44 тэрбум төгрөгийг арилжааны банкинд дур мэдэн байршуулсан уу
ЭРХ БАРИГЧ НАМЫН АЙМАГ БҮРТ ҮЙЛДВЭР БАРИХ АМЛАЛТ БИЕЛСЭНГҮЙ
МӨРИЙН ХӨТӨЛБӨР: ЭДИЙН ЗАСГИЙН ӨРГӨЖҮҮЛЭН, ӨРНӨӨС ГАРГАЖ, БАЯЛГИЙГ ЭЗЭНЖҮҮЛЭХ МАН-ЫН МӨРИЙН ХӨТӨЛБӨР БИЕЛСЭНГҮЙ
Сонгуулийн өмнө хөрөнгө мөнгө зарсан том төслүүдийг эхлүүлэхгүй байхыг уриалж байна
Танилц: Аймгуудын өрсөлдөх чадвар
Өмнөговь аймгийн Даланзадгад суманд 14 га талбайтай цэцэрлэгт хүрээлэн байгуулна
Үхрийн шинэ мах килограмм нь 20-23 мянган төгрөгийн үнэтэй байна
МАН-ын мөрийн хөтөлбөрийн заалтуудаас