RISE хөтөлбөрийн оролцогчдод цахимаар суралцаж, хөгжих боломж олголоо

Их, дээд сургуулийн босго алхаад удаагүй шинэхэн оюутнууд мундахгүй олон сорилттой тулгардаг. Оюутны амьдралд дасан зохицох, хотын соёлд суралцах, даалгавар, бие даалтаа хугацаанд нь амжуулах, өөрийгөө хөгжүүлэх гэхчилэн үүрэг хариуцлага ч эрс нэмэгддэг. Харин өнөө жилийн хувьд коронавирусийн халдвар тархсантай холбоотойгоор хичээл сургууль хаагдаж, хөл хорионд байгаагаас үүдэн оюутнууд цахимаар хичээлээ үзэж, зайнаас сурч боловсрох бүхий л боломжийг эрэлхийлж буй билээ.
Яг ийм үед ХААН Банк Сангаас “RISE” шинэ оюутны хөгжлийн хөтөлбөрт хамрагдсан оюутнууддаа зориулан өнгөрсөн сарын сүүлчээр хоёр төрлийн цахим сургалт зохион байгууллаа. 2018 оноос хэрэгжүүлж буй “RISE” хөтөлбөр нь өнөөг хүртэл нийт 1800 гаруй оюутныг хамруулж чадсан бөгөөд хичээлийн жилийн турш хувь хүний хөгжлийн чиглэлээр олон сургалт, арга хэмжээнүүдэд оролцох боломжийг олгодог билээ. Энэ жилийн сургалт, хөгжлийн ажлын хүрээнд тус хөтөлбөрийг санаачлан зохион байгуулагч ХААН Банк Сангийнхан “Dale Carnegie Mongolia” төв болон “Universal Language Center” төвийн хамт олонтой хамтран хувь хүний хөгжил, англи хэлээр хэрхэн эссе бичих вэ сэдвээр 75 оюутанд цахим сургалтыг тун амжилттай явуулсан юм.
“Dale Carnegie Mongolia” төвийн удирдан зохион байгуулсан хувь хүний хөгжлийн сэдэвт цахим сургалтад хамрагдсанаар оюутнууд өөртөө итгэх итгэл, харилцааны болон манлайллын ур чадвар, өөрийгөө илэрхийлэх арга, хандлагаа сайжруулах, стрессээ хэрхэн удирдах талаар мэдлэг мэдээлэл олж авлаа. Олон улсын стандарт бүхий нийт 12 цагийн энэхүү хичээлийг амжилттай дуусгасан оюутан бүрт олон улсын сертификат олгосон юм.
“Universal Language Center” төвтэй хамтран хүргэсэн “Англи хэлээр хэрхэн эссе бичиж сурах вэ?” онлайн хичээлийн хувьд сургалтыг илүү үр өгөөжтэй болгосон нэг зүйл нь хичээлээс гадна оюутнууд эссе бичиж ирүүлсний дагуу багш тус бүрт нь нарийвчилсан зөвлөгөө өгсөн юм. Оюутнуудад “Advanced” түвшний дүрэм, IELTS-ийн Writing Task-ийн таван төрлийн асуултын оршил, үндсэн хэсэг, дүгнэлт бичих, бүх төрлийн тэтгэлэг болон их, дээд сургуулийн элсэлтэд зориулсан эссе бичих зэрэг ур чадварыг энэхүү сургалтын хүрээнд олгосон билээ.
“RISE” шинэ оюутны хөгжлийн хөтөлбөрийн талаар дэлгэрэнгүй мэдээлэл авч, үе тэнгийн залуустай туршлага, мэдлэг хуваалцахыг хүсвэл ЭНД дарж бидэнтэй нэгдээрэй. Цаашид ч бид оюутнуудад цахим сургалт, олон сонирхолтой арга хэмжээ, боломжуудыг санал болгох болно. “RISE”-ийн хязгааргүй боломжийн үүд хаалгыг нээж, ирээдүйдээ хөрөнгө оруулалт хийхийг уриалж байна.
Суралцъя, хөгжье
“ЭНД” хэсэгт орох hyperlink: https://www.facebook.com/groups/rise2019freshman
“Монполимет”-ийн дансыг царцааж, Ц.Гарамжавыг эрүүгийн хэрэгт холбогдуулан шалгаж байна
Боловсролын зээлийн сангийн Ажлын албаны дарга О.Сийлэгмааг “ажилтнаа зодсон” гэх үндэслэлээр шалгаж байна
Б.Лхагвасүрэн: Тэтгэврийн зээлийг хэрэглээний зээлийн ангиллаас гаргах байдлаар асуудлыг шийдвэрлэж болно
XV Далай ламыг албан ёсоор тодруулахаа мэдэгдлээ
"The Mongolz" багийг ялгаварлалгүй шагнана биз дээ?
2030 оноос баруун гар талдаа жолооны хүрдтэй автомашин импортлохыг хориглоно
Орбан: Европын холбооны ихэнх орны иргэд Украиныг элсүүлэхийг хүсэхгүй байна
Монгол судлал Монголын саятнууд, тэрбумтнуудын нэрээ мөнхлөх боломж, сонирхол
Шимизү Такэнори: Эзэн Хааны айлчлал хоёр орны харилцаа улам гүнзгийрч, хөгжих боломж олгоно гэдэгт итгэлтэй байна
Зеленский, Трамп нар утсаар ярилцав