Эрүүл мэндийн яамнаас коронавирусын талаар цагийн ээлжит мэдээлэл хийлээ.

Эрүүл мэндийн яамны Нийгмийн эрүүл мэндийн хэлтсийн дарга С.Нарангэрэл "Өчигдөр тусгай үүргийн онгоцоор Токиогоос ирсэн зорчигчдоос хоёр сэжигтэй тохиолдлыг ХӨСҮТ-д тусгаарласан.

Өчигдрийн онгоцоор ирсэн 275 иргэнийг Цэргийн төв эмнэлэг , ХӨСҮТ, Жаргалант, “Токио ин” буудлуудад хуваарилж ажиглалтад оруулсан. Мөн нийт 6,800 кг ачаа тээш ариутгаж, онгоцонд эцсийн ариутгалыг хийж аюулгүй болгосон бөгөөд өчигдөр халдварт өвчний дуудлага гараагүй сайхан мэдээтэй байна" гэв.

ӨНӨӨДРИЙН БАЙДЛААР ХӨСҮТ-Д 246 ХҮН АЖИГЛАЛТАЛТ ХЯНАЛТАНД БАЙНА

ХӨСҮТ-ийн захирал Д.Нямхүү:Токио-Улаанбаатар чиглэлийн тусгай онгоцоор нийт 265 хүн ирсэн. ХӨСҮТ-д 64 хүнийг тусгаарласан. 184 хүн "Токио ин" зочид буудалд буусан.

Өнөөдрийн байдлаар ХӨСҮТ-д 246 хүн ажиглалталт хяналтанд байна. Сөүл-Улаанбаатар, Токио-Улаанбаатар чиглэлээр ирсэн нийт 104 хүнийг тусгаарлан ХӨСҮТ-д хянаж байна. Үүнээс Сөүл-Улаанбаатар чиглэлийн онгоцоор ирж тусгаарлагдсан 37 хүнээс коронавирус илрээгүй. Мөн тандалтын зорилгоор улсын хэмжээнд хүмүүсийн 27 сорьцонд шинжилгээ хийхэд коронавирус илрээгүй.

"Амар" зочид буудалд байгаа тусгаарлагдсан 152 хүний шинжилгээг өнөөдөр аваад хариу харахаар нэг дэхээс гаргаж, ороо чөлөөлөөлд дараагийн онгоцоор ирэхэд бэлтгэл ажлаа хангана. Өвчтнүүдийн биеийн байдал тогтвортой сайн байна" гэлээ