Гурван долоо хоног орчим хугацаанд сураггүй байсны эцэст олны нүдэнд ил гарсан Умард Солонгосын удирдагч Ким Жон Ун тус улсын цөмийн зэвсгийн хүчин чадлыг нэмэгдүүлэх асуудлаар холбогдох албаныхантай уулзсан тухай Ням гарагт төрийн төв хэвлэл нь мэдээлжээ. Ким Жон Ун өчигдөр эрх баригч намын Цэргийн Төв Зөвлөлийн гишүүдтэй уулзахдаа улс орноо гадны довтолгооноос хамгаалахын тулд батлан хамгаалах хүчин чадлаа сайжруулах, цөмийн зэвсгийн тоо хэмжээг нэмэгдүүлэх тухай ярилцсан гэнэ.

Өнгөрсөн долоо хоногт Трампын засаг захиргаа 1992 оноос хойш анх удаа АНУ-д цөмийн зэвсгийн туршилт зохион байгуулахаар хэлэлцэж байгааг Вашингтон Пост сонин мэдээлсэн юм. Энэхүү мэдээллийг тарсны дараа Ким Жон Ун цөмийн зэвсгийн хүчин чадлаа нэмэгдүүлэх асуудлыг хөндсөн нь санамсаргүй давхцал биш байх магадлалтай. Вашингтон-Пёньяны хооронд хоёр жилийн өмнө эхэлсэн цөмийн зэвсгийн хэлэлцээ сүүлийн нэг жил зогсонги байдалтай байгаа гэж Reuters мэдээлжээ.