Ө.Энхтүвшин: ХӨСҮТ-ийн эмч, ажилчид маш сайн ажиллаж байгааг онцлон хэлмээр байна

Ц.Анударь / Эрүүл мэнд

УОК-ын хуралдаан үргэлжилж байна.

Монгол Улсын Шадар сайд, УОК-ын дарга Ө.Энхтүвшин мэдээллийн эхэнд хэлсэн үгэндээ, “Эдгээсэн 33 хүн дотор гадаадын дөрвөн иргэн байна. Манай ХӨСҮТ-ийнхөн, эрүүл мэндийн салбарын ажилчид, өндөр эрсдэлтэй нөхцөлд ажиллаж байгаа төрийн албан хаагчид маш сайн ажиллаж байгаа. Би үүнийг зориуд онцлон хэлмээр байна. Ялангуяа өндөр эрсдэлтэй нөхцөлд ажиллаж байгаа ХӨСҮТ-ийн эмч, сувилагчид маш сайн ажиллаж байна. Үүний үр дүнд өнөөдрийг хүртэл Монгол Улс дотооддоо халдвар алдсангүй. Бүртгэгдсэн 141 тохиолдол бүгд зөөвөрлөгдөн орж ирсэн. Энэ бүхэн дээр шуурхай арга хэмжээ авч, тусгаарлаж, эмчилж байна. Өнөөдрийн байдлаар 16 гаруй мянган хүнийг оношлогоо, шинжилгээнд хамруулжээ” гэлээ.