Монгол Улс нь коронавирусийн халдвар илэрсэн ч бүх тохиолдол зөвхөн гаднаас зөөвөрлөгдөж ирсэн ба дотооддоо тархаагүй найман улсын нэг болж байна.

International SOS сайтын мэдээлснээр одоогоор дараах улсуудад Covid-19-ийн халдвар гаднаас зөөвөрлөгдөн орж иржээ.

• Антигуа Барбуда /25 хүн халдвартай нь тогтоогдож, гурван хүн нас барсан/
• Бутан /27 хүн халдвар авч, зургаан хүн эдгэрч, 21 хүн эмчлүүлж байна /
• Куракао /18 хүн халдвартай нь тогтоогдож, нэг хүн нас барсан, 14 хүн эдгэрсэн/
• Гренланд /12 хүн халдвар авч, 11 эдгэрч, нэг хүн эмчлүүлж байна/
• Монгол /141 хүн халдвартай нь тогтоогдож, 33 хүн эдгэрч, 108 хүн эмчлүүлж байна/
• Сен Бартелеми /6 хүн халдвар авч, 6 хүн эдгэрсэн/
• Сейшелл /11 хүн халдвар авч, 11 хүн эдгэрсэн/
• Сент Пьер ба Микелон /1 хүн халдвар авч, 1 хүн эдгэрсэн/

/Эдгээр улсууд дунд Хонконг орсныг доорх зургаас харах боломжтой/. Гэвч South China Morning Post болон chp-dashboard.geodata.gov.hk сайтад мэдээлснээр Хонконгт 1066 тохиолдол бүртгэгдсэн ба гадагшаа аялаагүй хэд хэдэн хүнээс коронавирус илэрсэн нь халдвар дотооддоо тархсан байж болзошгүй хэмээн эргэлзээ төрүүлээд байна.

Зургийн тайлбар:

• Imported cases only: бүх тохиолдол гаднаас орж ирсэн
• Local transmission: халдвар улс дотроо бүртгэгдсэн
• Outbreak: улс дотроо олон газар нутгаар тархсан, 1000 болон түүнээс дээш тооны тохиолдол бүртгэгдсэн
• Waning: өдөрт 100-гаас бага тохиолдол бүртгэгдэж байгаа

Эх сурвалж: International SOS, SCMP, Worldometers