Хүний эрхийн Үндэсний Комисс Улсын Онцгой Комисст зөвлөмж хүргүүллээ

Aдмин / Хууль

УИХ-аас 2020 оны 01 дүгээр сарын 23-нд Монгол Улсын Хүний эрхийн Үндэсний Комиссын тухай хуулийн шинэчилсэн найруулгыг баталсан. Шинэчлэгдсэн хуулийн дагуу УИХ-ын 2020 оны 11 дүгээр сарын 6-ны өдрийн 34 дугаар тогтоолоор Хүний эрхийн Үндэсний Комиссын таван гишүүн томилогдсон билээ. 2020 оны 11 дүгээр сарын 18-ны өдрөөс ХЭҮК-ын шинэ гишүүд бүрэн эрхээ хэрэгжүүлж эхэлсэн. Комиссын даргын үүргийг Комиссын гишүүн Ж.Хунан түр орлон гүйцэтгэж байна.

Монгол Улсад коронавируст халдварын дотоодын анхны тохиолдол бүртгэгдэж, Засгийн газрын шийдвэрээр бүх нийтийн бэлэн байдлын зэрэгт шилжсэнтэй холбоотойгоор авч буй арга хэмжээ, Коронавируст халдварын цар тахлаас урьдчилан сэргийлэх, тэмцэх, нийгэм, эдийн засагт үзүүлэх сөрөг нөлөөллийг бууруулах тухай, Монгол Улсын Хүний эрхийн Үндэсний Комиссын тухай хуулиудад заасан бүрэн эрхийнхээ хүрээнд Комиссоос шуурхай үнэлгээ хийж, нөхцөл байдалтай танилцаж, холбогдох гомдол, мэдээллийг шалгалаа.

Тухайлбал, 2020 оны 11 дүгээр сарын 20-ны өдөр Комиссын гишүүд Нийслэлийн Цагдаагийн удирдах газрын харьяа Түр хамгаалах байр, Хүүхэд, залуучууд, гэр бүл хөгжлийн газрын харьяа Хүүхэд хамгааллын хариу үйлчилгээ үзүүлэх түр хамгаалах байр, 107, 108 утас, ХУД-ийн Хүүхэд хамгааллын байр, Шүүхийн шийдвэр гүйцэтгэх ерөнхий газар, түүний харьяа Цагдан хорих 0461 дүгээр хаалттай ангид, 2020 оны 11 дүгээр сарын 23-ны өдөр Чингэлтэй дүүргийн 17, Баянзүрх дүүргийн 5, 22 дугаар хороодод тус тус ажиллаж, нөхцөл байдалтай биечлэн танилцсан.

2020 оны 2 дугаар сард улсын хэмжээнд өндөржүүлсэн бэлэн байдлын зэрэгт хэсэгчилсэн шилжсэнээс хойш иргэд, байгууллагаас Комисст хандаж нийт 539 гомдол, мэдээлэл ирүүлсний 51 нь короновируст халдварын цар тахалтай тэмцэх үйл ажиллагаатай холбоотой байгаа бөгөөд гомдлын дагуу мөн шалгалт хийлээ.2020 оны 2 дугаар сард улсын хэмжээнд өндөржүүлсэн бэлэн байдлын зэрэгт хэсэгчилсэн шилжсэнээс хойш иргэд, байгууллагаас Комисст хандаж нийт 539 гомдол, мэдээлэл ирүүлсний 51 нь короновируст халдварын цар тахалтай тэмцэх үйл ажиллагаатай холбоотой байгаа бөгөөд гомдлын дагуу мөн шалгалт хийлээ.

Дээрх ажлуудын үр дүнд цугларсан мэдээлэлд үндэслэн Монгол Улсын Үндсэн хууль, олон улсын гэрээ, хууль тогтоомжоор баталгаажуулсан хүний эрх, эрх чөлөө зөрчигдөхөөс урьдчилан сэргийлэх үүднээс Хүний эрхийн Үндэсний Комисс өөрийн бүрэн эрхийн хүрээнд Улсын Онцгой Комисст зөвлөмж хүргүүллээ. Үүний зэрэгцээ, 2020 оны 11 дүгээр сарын 25-нд Комисс орон нутгийн ажилтнуудтайгаа цахим хурал хийж, цар тахалтай тэмцэх орон нутгийн үйл ажиллагаанд хяналт тавих, зөвлөж хамтран ажиллах чиглэл өглөө.

Иргэн Та коронавируст халдварыг хязгаарлах хөл хориотой холбоотой хүний эрх, эрх чөлөө зөрчигдсөн талаар гомдол, мэдээллийг ХЭҮК-ын www.nhrcm.gov.mn цахим хаяг, www.facebook.com/nhrcm, www.twitter.com/nhrcm хуудсаар өгнө үү. Хүний эрхийн зөвлөгөө, мэдээлэл авахыг хүсвэл 70000222 дугаартай утсанд хандана уу.

Хүний эрхийн Үндэсний Комиссын орон нутаг дахь ажилтнуудтай дараах утсаар холбогдоно уу.

Архангай 70332122, Баян-Өлгий 70427322, Баянхонгор 70442422, Булган 70342122, Говь-Алтай 70484322, Говьсүмбэр 70543422, Дархан-Уул 70370722, Дорнод 70582122, Дорноговь 70523422, Дундговь 70592622, Завхан 70462522, Орхон 70350522, Өвөрхангай 70322122, Өмнөговь 70530122, Сүхбаатар 70510222, Сэлэнгэ 70362345, Төв 70272822, Увс 70453222, Ховд 70437022, Хөвсгөл 70388022, Хэнтий 70562322.

“Хүний эрх, эрх чөлөөг орон даяар, цаг ямагт хүн бүрт.”


Сэтгэгдэл

Зочин [66.181.161.77] 2020-11-27 03:45:39

Тодорхой юм л зөвлөнө ш дээ , ХЭК- ээ ХҮК - т ... Цаана чинь Дархан уулд Гарамгай менежр - шилдэг ЖДҮч Ж . Энхбаярын 00 ( ТЭГ ) зогсолтын 11 НуА илэрчихлээ ....


1 сэтгэгдэл байна
1000 тэмдэгт оруулах үлдлээ.
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
1 сэтгэгдэл байна
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.