Сүүлийн үед ийм ухуулга их явж байна. Иргэд цугларлаа, архидлаа, халдвар хамгааллаа сахисангүй гэх мэт. Уучлаарай, монголчууд бусад улсын хүмүүстэй адилхан л амьдарч байгаа. Амьжиргаагаа залгуулж, ажиллаж, хүнтэй уулзаж, амралтаараа голын эрэг бараадаж, зарим нь хааяа шоудаж л байгаа.

Гудамжинд гараад хар, маскгүй хүн нэг ч байхгүй. Аптек ороод асуу, урьдчилсан тест, d, c витаминд хамаг мөнгөө үрж байна. Ковидийн мэдээ, сурвалжлагын хандалтаа хар, бүгд л санаа зовж үзэж байгаа. Хэрвээ ард иргэд буруутай юм бол;

”Энхсаран”-гаас анх халдвар алдсан

Гаднаас хандивласан тэрбумаар тоологдох долларыг үр ашиггүй зарцуулсан

Эмч, эрүүл мэндийн салбараа туйлд нь хүртэл ядраачихаад цалин хангамжыг нь нэмээгүй

Амьсгалын аппарат нь хүрэлцээгүй

Ам.доллар, юань, бусад валютын ханш өсч, юмны үнэ нэмэгдэж, эдийн засаг унасан

Ард иргэдээ чанартай вакцинаар хангаагүй

Хэдэн арван жирэмсэн эх, хэдэн зуун иргэнээ ковидоор нас барахад хүргэсэн

Засгийн газар, УИХ, эрх баригчид буруугүй юм байна л даа

Яруу найрагч Б.Галсансүхийн шүлгийн мөр санаанд орчихлоо байна;

Чиний хэлсэн бүхнийг чинь бид бүгдийг биелүүлдэг

Чамд хэлэх нэг зөвлөгөө байна:

~ ЧИ БИТГИЙ ХУЦ.