Жижиг, дунд бизнес эрхлэгчдэд зориулсан 100 тэрбум төгрөгийн хөнгөлөлттэй зээлийн хөтөлбөрийг зарлалаа

Aдмин / Хууль

Төр хувийн хэвшлийн хамтын ажиллагааны хүрээнд Нийслэлийн Жижиг, дунд үйлдвэр, үйлчилгээ эрхлэгчдийг дэмжих төв НӨҮГ “Богд” банктай хамтран Улаанбаатар хотод үйл ажиллагаа явуулж буй жижиг, дунд үйлдвэр, үйлчилгээ эрхлэгчдэд 100 тэрбум төгрөгийн хөнгөлөлттэй зээл олгохоор боллоо. Тодруулбал, сарын 1.3-1.5 хувийн хөнгөлөлттэй зээлийг жижиг, дунд бизнес эрхлэгчдэд шуурхай олгох юм. Уян хатан, тааламжтай нөхцөлийг бизнес эрхлэгчдэд санал болгох бөгөөд цаашид барьцаа хөрөнгө, зээлийн нөхцөлийг улам сайжруулах тал дээр хамтрагч байгууллагуудын зүгээс анхааран ажиллах аж.

Энэ талаар Нийслэлийн Засаг дарга бөгөөд Улаанбаатар хотын захирагч Д.Сумъяабазар, Нийслэлийн Жижиг, дунд үйлдвэр, үйлчилгээ эрхлэгчдийг дэмжих төв НӨҮГ-ын дарга Г.Гангамөрөн, “Богд” банкны гүйцэтгэх захирал Г.Саруул нар өнөөдөр мэдээлэл хийлээ.

Нийслэлийн Жижиг, дунд үйлдвэр, үйлчилгээ эрхлэгчдийг дэмжих төв НӨҮГ-ын дарга Г.Гангамөрөн “Нийслэлийн Жижиг, дунд үйлдвэр, үйлчилгээ эрхлэгчдийг дэмжих төв Монголын хамгийн отгон банк болох “Богд” банктай хамтран 100 тэрбум төгрөгийн санхүүжилттэй зээлийн хөтөлбөрийг зарлаж байгаагаа дуулгахад таатай байна. Цар тахлын нөлөөллөөр санхүүгийн эрсдэлд өртөөд буй жижиг, дунд бизнес эрхлэгчдэд дэмжлэг үзүүлэх зорилгоор ийнхүү төр, хувийн хэвшлийн хамтын ажиллагааг эхлүүллээ. Бизнес эрхлэгчид тус зээлийн хөтөлбөрт хамрагдсанаар ажлын байрыг хадгалах, шинээр нэмэгдүүлэх, эдийн засгийн эргэлтэд зөв схем бүрдүүлэх боломж гарна гэж үзэж байна. Манай байгууллага төсөв шүтсэн байдлыг халж, олон улсын болон дотоодын байгууллагуудтай төр-хувийн хэвшлийн хамтын ажиллагааг өргөжүүлэх үүднээс 15 байгууллагатай санамж бичиг байгуулан, хамтран ажиллаж байна. Тэдгээрийн нэг жишээ нь уг зээлийн хөтөлбөр юм. Мөн жижиг, дунд үйлдвэр, үйлчилгээ эрхлэгчдийн бараа бүтээгдэхүүнийг экспортод гаргах, борлуулалт, маркетингийн сувгийг дэмжих, төрийн худалдан авалтад оруулах зэргээр бодлогын чанартай хэд хэдэн ажлыг хийж байна” хэмээсэн юм.

“Богд” банкны гүйцэтгэх захирал Г.Саруул “Жижиг, дунд үйлдвэрлэлийн салбар амжилттай явснаар Монгол Улсын эдийн засагт маш чухал нөлөө үзүүлнэ. Манай банк өнгөрсөн жил IPO гарган олон нийтийн банк болж, өнөөдрийн байдлаар 1500 гаруй хувьцаа эзэмшигчтэй болсон. 2021 оны есдүгээр сард Нийслэлийн Жижиг, дунд үйлдвэр, үйлчилгээ эрхлэгчдийг дэмжих төвтэй санамж бичиг байгуулсан. Уг хөтөлбөрийн хүрээнд жижиг, дунд бизнес эрхлэгчдээ дэмжин, шинэ төсөл хөтөлбөрүүдийг санхүүжүүлэх, эдийн засагт үзүүлэх өгөөжийг нэмэгдүүлэхэд анхааран ажиллах болно” гэв.

Монгол Улсын хэмжээнд үйл ажиллагаа явуулж буй жижиг, дунд үйлдвэр, үйлчилгээ эрхлэгч байгууллагуудын 70 орчим хувь буюу 43.236 нь нийслэл хотод үйл ажиллагаагаа явуулж байна. 674 мянга гаруй ажилтан хөдөлмөр эрхэлж буй тус салбар нь “Ковид 19” цар тахлын нөлөөнд хамгийн их өртөж байгаа юм. 2020 оны арваннэгдүгээр сараас хойш Нийслэлийн Жижиг, дунд үйлдвэр, үйлчилгээ эрхлэгчдийг дэмжих төв НӨҮГ-аас таван удаагийн судалгаа хийсэн. Судалгааны дүнд, уг салбарын 96 хувь нь санхүүгийн эрсдэлд өртсөн байгаа нь тогтоогджээ. Мөн тэдгээрийн 95 хувьд нь тус хүндрэлийг давахад зайлшгүй нэмэлт санхүүжилт хэрэгтэй байгаа аж. Тиймээс хамтрагч байгууллагуудын зүгээс “Жижиг, дунд үйлдвэр, үйлчилгээний салбарт чиглэсэн Санхүүжилтийн хөтөлбөр” бодитой үр дүн гаргана гэдэгт итгэлтэй байгаагаа илэрхийлж байлаа.


Сэтгэгдэл

зочин [66.181.186.11] 2022-01-21 22:50:22

Зээл бол цэвэр авилгал, луйвар юм билээ. өгөхгүй бол хэзээ ч авч чадахгүй.

Зочин [66.181.161.37] 2022-01-21 15:46:43

Төрөөс ЖДҮ-ийг дэмжих асар их зээлийн хөтөлбөр зарлагддаг гэтэл түүний дийлэнхийг Баячууд,УИХ-ын гишүүд,Сайд дарга нар мэдээлэлд ойрхон албан тушаалтнууд л авчихсан байдагш дээ. Яг өрхийн үйлдвэрлэл эрхэлж буй,үнэхээр өөрсдийн боломжийн хэрээрээ үйлдвэрлэл явуулж байгаа иргэддээ хяналттайгаар,судалгаатай олгохыг анхаарах хэрэгтэй. Сумка даргаа.Банкинд хатуу хяналт цензур тогтоох хэрэгтэй,бид чинь ЖДҮ нэрээр арилжааны банкуудыг тэжээгээд ирлээ шүү дээ.

Зочин [43.242.243.137] 2022-01-21 13:39:22

Дөнгөж эхэлж байгаа болон амжилтгүй ажиллаад ахихийг хичээж байгаа нэгжид зээл авах боломж байдаггүй. 2,3 жилийн тайлан эерэг гарсанд өгнө гэсэн төсөл хөтөлбөрүүд байдаг. Бүгдэд боломж олгомоор байна.

иргэн [202.55.188.109] 2022-01-21 11:46:45

хаан банк сарын 1 хувь аар зээл өгч байгаа арай л юм аа

Зочин [103.26.193.103] 2022-01-21 22:42:06

Хаан банк гэж цохох юм бүгд л тийм зээл өгч байгаа шүү дээ

З [66.181.161.94] 2022-01-21 09:04:26

ЗЭЭЛ НЭРТЭЙ СУМТАЙБАЗАРЫН ЛУЙВАР

ЭМЭЭ [64.119.18.72] 2022-01-21 08:34:35

ХЭРЭГЛЭЭНИЙ ЗЭЭЛ ШИГ ХҮҮТЭЙ ЗЭЭЛЭЭР ДЭМЖИХ ГЭЖ ЮУ БАЙХАВ . НӨГӨӨ 100 ИХ НАЯДЫН 3 % ХҮҮТЭЙ ЗЭЭЛЭЭ Л ХҮРТЭЭМЖТЭЙ ӨГВӨЛ ШУДАРГА БУСУУ ? ЭНЭ ТА НАРТ Л АШИГТАЙ ЮМ БАЙНАДАГ

Zochin [202.21.124.66] 2022-01-21 08:23:54

Zeel avmaar l bn. Khuu ni arai ikhuu. Iim demjleg gej yu bn aa.

Зочин [66.181.177.23] 2022-01-21 00:37:21

Ер нь ингэж зээл гаргалаа гэж шааж байхаар банкнуудын нөхцөлийг нь бууруулаад иргэд хаанаас ч зээлээ авч хэрэглэх боломжтой болговол яадаг юм бэ. Иргэд зээл авч аргагүй шаардлагаар авсан өмнөх зээлээ дарж яагаад болдоггүй юм бэ. Өөрсөддөө зориулсан хусаж хулгайлах зорилгоор гаргасан зээл нэртэй луйвраа нээх зарлаж гэнэ новшнууд чинь

Zochin [202.126.88.223] 2022-01-20 21:52:04

Ichij ukhmeer yumaa ukhsen khuurnii khen khongololttei zeel ve Mongo khuulelt

йыбөыб [124.158.107.71] 2022-01-20 18:31:06

жилийн 14-18 хувийн хүүтэй мөнгө хүүлэлт болохоос дэмжилт бишээ

Zochin [150.129.143.111] 2022-01-20 18:14:46

Сарын 1.3-15 жижиг дундыг дэмжинэ гж чаахаа боличох ичиж үхмээр юм. Хэрэглээний зээл ч бараг энэээс хямд гарч бгаа

зочин [192.82.86.226] 2022-01-20 17:41:02

Өрхийн үйлдвэрлэл хаягдаж байгаа юм.Дандаа тэрбумаар ярьдаг газарт очно. Тэд урд зээлээ төлүүлэх бодлого л явагддаг. Банкинд ашигтай. Түүнийгээ ажлын байр хадгалах гэж сайхан нэрлэдэг нь одоо тодорхой болсон доо. Инфляци нэмэгдэнэ тэгэхээр юу болохов.


13 сэтгэгдэл байна
1000 тэмдэгт оруулах үлдлээ.
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
13 сэтгэгдэл байна
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.