Монгол Улсын 2025 оны төсвийн хоёр дахь хэлэлцүүлэг дуусаж, гуравдугаар хэлэлцүүлэг үргэлжилж байна. Парламентад олон суудал авсан Монгол ардын нам өөрийн хөнжилдөө Ардчилсан нам, ХҮН намыг татан оруулснаар сөрөг хүчингүй парламентад дур зоргоороо авирласаар.

УИХ-ын гишүүн Г.Тэмүүлэн, "Бидэнд ОУВС анхааруулж, сануулж байна" гэхэд Сангийн сайд Б.Жавхлан: ОУВС, Дэлхийн банкны дүгнэлттэй хамгийн нийцтэй төсөв орж ирж байна хэмээн хариулав.

"Уул уурхайн түүхий эдийн үнэ дагасан төсвийн тэлэлт нь инфляци өдөөн, валютын нөөц бууруулна. Валютын ханш өснө шүү" гэж УИХ-ын гишүүн Г.Тэмүүлэн санаа зовниж буйгаа илэрхийлэв.

УИХ-ын гишүүн Ж.Баярмаа, Д.Энхтүвшин, Г.Тэмүүлэн нар эрс эсэргүүцэж буй төсвийг Д.Цогтбаатар, Ш.Бямбасүрэн нар мөн эсэргүүцэж гарын үсэг зурлаа. Түүнчлэн УИХ-ын гишүүн Н.Алтанхуяг нэгдсэнээ албан ёсоор мэдэгдлээ. Н.Алтанхуяг гишүүн Б.Жавхлан сайдад хандан, Чи Монголын ард түмний өмнө хариуцлага хүлээх ЦАГ ИРНЭ шүү ‼ Танай Засгийн газар ч бас хэмээн эгдүүцлээ илэрхийллээ. Харин шинэ гишүүн Д.Цогтбаатар Алдагдалтай төсөв хугацаандаа баталж байснаас УИХ тарсан дээр. Тарж болно биз дээ гэлээ. Энэ төсвөө эргэн харахгүй бол ард түмэн тэсрэхэд 1 хуруу дутуу байгааг улс төр судлаачид хэлж байна. Мөн бизнес эрхлэгчид төсвийг эсэргүүцэж буйгаа илэрхийлж эхэллээ.
МҮХАҮТ-ын удирдах зөвлөлийн гишүүн Б.Лхагважав, Төсөв энэ чигээрээ батлагдвал Ерөнхий сайдыг огцруулна, татвараа төлөхгүй. Хамтарсан ЗГ нэрээр татвар төлөгчдийн мөнгийг хязгааргүй эдлэх эрх рүү орж буйг эсэргүүцэж байна. 2025 оны төсвийн төслийг өргөн барьсан Сангийн сайд Б.Жавхлан хариуцлага хүлээх ёстой гэсэн бол "Наран трейд" ХХК-ийн ерөнхий захирал Д.Удвал, 2025 оны төсвийн төсөлд цалин, томилолтын зардал нэмэгдсэн! Төрийн албан хаагчдын тоог 20% бууруулна гэсэн амлалт биелсэнгүй. 220.000 төрийн албан хаагчдын 40.000 нь дарга орон тоонд ажиллаж байна гэлээ.
Мөн МҮХАҮТ-ын дэргэдэх Бизнес Эрхлэгч Эмэгтэйчүүдийн зөвлөлийн дарга Л.Болормаа хэлэхдээ, УИХ-ын гишүүд та бүхэн иргэдийг сайхан ирээдүй рүү оруулна гэж амлаж гарч ирчихээд яагаад их хурлын танхимд орчихоороо эсрэг шийдвэр гаргаад байна вэ! Засаглал маш муу байна гэв.