Сэлэнгэ аймгийн Алтанбулаг, Шаамар, Ерөө, Түшиг, Цагааннуур сумдад ой хээрийн түймэр гарсан. Ийнхүү ойр, ойрхон ой хээрийн түймэр дэгдэж, хүрээлэн буй орчинд ноцтой аюул учирч болзошгүй нөхцөл үүссэн тул Аймгийн Онцгой комисс шуурхай хуралдаж, аймгийн хэмжээнд өндөржүүлсэн бэлэн байдал зарлажээ.

Мөн Сэлэнгэ аймгийн сумдад гарсан ой хээрийн түймэртэй холбоотойгоор цахим орчинд тавигдаж байгаа ташаа мэдээлэлд автахгүй байж, албан ёсны эх сурвалжтай мэдээ, мэдээллийг үзэхийг холбогдох албаныхан анхаарууллаа.

Түүнчлэн түймэртэй холбоотойгоор хувь хүмүүсийн зохион байгуулж буй хандив, тусламжийн аянд хянамгай хандахыг аймгийн Онцгой комиссоос онцгойлон сануулжээ.