2025 оны наймдугаар сарын 8-ны өдөр болох үйл явдлын товч мэдээллийг хүргэж байна.

11:40 цагт:

"Их шүтээн:Эзэн Чингис хаан" тусгай үзэсгэлэнгийн нээлт "Чингис хаан" Үндэсний музейд болно.

12:30 цагт:

Монгол Улс, Бүгд Найрамдах Чех Улс дипломат харилцаа тогтоосны 75 жилийн түүхэн ойн хүрээнд “Дипломат харилцааны ур ухаан” түүхэн баримт, гэрэл зургийн үзэсгэлэн Г.Занабазарын нэрэмжит Дүрслэх урлагийн музейд нээлтээ хийнэ.

18:00 цагт:

Америкийн алдарт Old School хамтлаг "ONYX", Монголын хип хоп урлагийг үүсгэн байгуулагчдын нэг “ICETOP” хамтлагийн хамтарсан "Шүтээн минь" тоглолт Төв цэнгэлдэх хүрээлэнд болно.

-Монгол Улсын 2026 оны төсвийн төсөлд олон нийтийн санал асуулгыг энэ сарын 14-нийг дуустал авна.

Орон нутагт:

-Барга түмний урлаг соёл угсаатны олон улсын “Баргажин-2025” наадам Төв аймгийн Зуунмод суманд энэ сарын 8-10-нд болно.

-Архангай аймгийн Засаг даргын дэмжлэгээр Хотонт сумын наадмын талбайд "Айргийн баяр-2025" Соёлын биет бус өвийн наадмыг зохион байгуулна.

Э.ЭГШИГЛЭН