“Эрдэнэт” үйлдвэр ТӨҮГ-ын Ил уурхайд 2026 оны нэгдүгээр сарын 7-ны өдөр үйлдвэрлэлийн осол болж, ажил үүргээ гүйцэтгэж байсан 40 настай, эрэгтэй ажилтан өртөн, амь нас хохирсон талаар албаныхан мэдээллээ.

Ослын нөхцөл байдал, учир шалтгааныг тогтоохоор Орхон аймгийн Цагдаагийн газар, Прокурорын газар, хууль хяналтын байгууллагууд, Үйлдвэрийн газрын Гамшгаас хамгаалах штаб, Үйлдвэрлэлийн осол, хурц хордлогыг судлан бүртгэх орон тооны бус байнгын комисс шуурхай ажиллаж байгаа аж.

“Эрдэнэт” үйлдвэр ТӨҮГ-аас шаардлагатай арга хэмжээ авч, талийгаачийн гэр бүлд үзүүлэх бүх төрлийн тусламж, дэмжлэгийг хуулийн хүрээнд шуурхай шийдвэрлэн ажиллах болно гэж мэдээлэв.