Монгол Улсын Ерөнхийлөгчийн санаачилсан шилэн дансны тухай хууль 2015 оны эхний өдрөөс орон даяар хэрэгжиж эхэлнэ. Тэгвэл шилэн дансны тухай хуулийг түүчээлэн хэрэгжүүлж эхэлсэн байгууллагуудын нэг нь Засгийн газрын тусгай сан-Цэвэр агаарын сан болоод байна.

Цэвэр агаарын сан 2014 оны нэгдүгээр сарын 1-ний өдрөөс эхлэн туршилтын журмаар шилэн дансны тухай хуулийг хэрэгжүүлж www.tseveragaar.mn сайтаа шинэчлэн шилэн данс цэс бий болгожээ. Тус байгууллага байгуулагдсан цагаас хойш өнөөдрийг хүртэлх төсвийн төлөвлөгөө, гүйцэтгэл, санхүүгийн тайлан, аудитын тайлан зэргийг он тус бүрээр нь харж, мөн татаж авч болохоор өөрийн сайтдаа оруулсны дээр 2014 оны сар тутмын төсвийн гүйцэтгэлийн тайланг дэлгэрэнгүйгээр тавьж хэвшүүлээд буй юм байна.

Та ЭНД ДАРЖ Цэвэр агаарын сангийн ШИЛЭН ДАНСЫГ ҮЗЭЖ БОЛНО.

Н.МЯГМАР