Харү башё өнөөдөр өндөрлөнө
Японы мэргэжлийн сүмогийн гуравдугаар сарын Харү башё өнөөдөр өндөрлөнө. Сүүлийн өдрийн барилдааны өмнө Ёкозүна Хакүхо М.Даваажаргал тэмцээнийг 13 даваа, нэг унаатайгаар тэргүүлж байгаа юм. Харин түүний араас сэкивакэ Тэринофүжи Г.Ган-Эрдэнэ 12 даваа, хоёр унаатайгаар нэхэж байна. Өнөөдрийн барилдаанд Хакүхо М.Даваажаргал Харүмафүжи Б.Бямбадоржтой оноолт таарсан. Харин Тэрүнофүжи Г.Ган-Эрдэнэ Японы озеки Коёодотой оноолт таараад байна. Хэрвээ Хакүхо М.Даваажаргал өнөөдөр унаж, Тэрүнофүжи Г.Ган-Эрдэнэ учраа бөхөө давбал, нэмэлт барилдаан гарна.
Д.ТҮВШИН
Сэтгэгдэл