Монгол Улсын Тэргүүн Шадар сайд, УИХ-ын гишүүн, АН-ын дарга Л.Гантөмөр сүүлийн үед олны анхаарлыг татаад буй асуудлаар байр сууриа илэрхийллээ.

Тэрбээр "Бүх ажил хуулийн хүрээнд явах ёстой. Бид ажлаа хиймээр байна. Гадна, дотно нөхцөл байдал амаргүй байна. Нүүрсний үнэ 40 хувь унасан байна. Намрын ажлууд хүлээгдэж байна.

Наанадаж ноолуурын экспортоо яах юм бэ гэх мэтчилэн асуудлууд байна. Төлөвлөсөн ажлууд явах ёстой. Тэрнээс биш нэг асуудлыг нэг долоо хоног, хоёр долоо хоногийн хэрүүл болгоод явах нь ямар ч утга учиргүй юм.

Ардчилсан нам Ж.Баярмаа гишүүний асуудлаар далимдуулсан юм байхгүй гэдгийг хариуцлагатай хэлье. Бүлгийн дарга ч гэсэн өөрийн байр суурийг илэрхийлсэн байна лээ. Ёс зүйн алдаа гаргасан эсэхийг Ёс зүйн хороо л ярих ёстой. Би ярих нь зөв үү. Би УИХ-ын микрофон дээрээс байр сууриа илэрхийлж болно" гэв.

Б.ЖАРГАЛ