Хуваарийн дагуу өнөөдөр Засгийн газрын хуралдаан болж байна. Хуралдаанаар Сар шинийн баяртай холбогдуулан шинийн дөрвөн буюу ирэх долоо хоногийн баасан гаригийн ажлын өдрийг амралтын өдөрт шилжүүлэх эсэх асуудлыг хэлэлцэж байна.

Сар шинийн баярын өдрүүдэд хуулийн дагуу гурван өдөр буюу шинийн гурван хүртэл амардаг. Энэ жилийн шинийн нэгний өдөр ирэх долоо хоногийн мягмар гаригт таарч байна. Ингээд баасан гариг буюу шнийн дөрөвний өдөр ажлын өдөр эхэлж байгаа юм. Тиймээс ажлын энэ өдрийг амралтын өдөрт шилжүүлэх эсэх асуудлыг Засгийн газрын хуралдаанаар тодорхой болгох аж.