-“ХҮНИЙ ЭРҮҮЛ МЭНДИЙН ХАЛДАШГҮЙ БАЙДЛЫН ЭСРЭГ ГЭМТ ХЭРЭГ” НЭМЭГДЭЖ БАЙНА-

Өнөөдөр ЦЕГ-ын Хэрэг бүртгэх албанаас хэвлэл мэдээллийн төвд мэдээлэл хийлээ. Хүний эрүүл мэндийн халдашгүй байдлын эсрэг гэмт хэрэг жил ирэх тусам нэмэгдэж байгаатай холбогдуулан Хэрэг бүртгэх албанаас олон нийттэй хамтран уг гэмт хэргийг бууруулах боломжтой гэдгийг хэлж байна.

ЦЕГ-ын Хэрэг бүртгэх албаны дарга А.Амгалан:

-Цагдаагийн байгууллага гэмт хэрэгтэй тэмцэх гурван алба байдаг. Хэрэг бүртгэх албанаас Хүний халдашгүй байдлын эсрэг урьдчилсан сэргийлэх, гэмт хэрэг гаралтыг бууруулах ажлыг энэ гуравдугаар сард эхлүүлж байна.

2017 оны долоон сарын 1-нээс хүчин төгөлдөр мөрдөгдөж эхэлсэн Эрүүгийн хэрэг хянан шийдвэрлэх тухай хууль, Иргэний хуулийн хэрэгжиж эхлэхээс өмнө Хэрэг бүртгэх алба хөнгөн ангиллын хэрэгт бүртгэлийн ажиллагаа явуулдаг байсан. Энэ хууль хэрэгжиж эхэлснээс хойш ЦЕГ-ын тушаалаар бүтэц зохион байгуулалтанд өөрчлөлт оруулж, 2018 оноос хойш Хүний эрүүл мэндийн халдашгүй байдлын эсрэг гэмт хэрэтгэй тэмцэх чиглэлээр ажиллаж эхлэхээр болсон.

Бид 2018 оны Хүний эрүүл мэндийн халдашгүй байдлын эсрэг гэмт хэрэгт судалгаа хийсэн. Сүүлийн таван жилийн хугацаанд нийт гэмт хэргийн 25-30 хувийг энэ төрлийн гэмт хэрэг эзэлж байсан.

Жил тусам энэ төрлийн гэмт хэрэг өсөж байна. Нийслэлд 61%, орон нутагт 31% үйлдэгдэж байна. Ихэвчлэн гэр бүлийн хүрээнд үйлддэгдэж байгааг судалгаагаар харуулсан. Энэ Хүний халдашгүй байдлын эсрэг гэмт хэргийг хөнгөн хэрэг хэмээн анхаарал хандуулдаггүй.

Анхаарахгүй байгаа учраас хүний эрүүл мэндийн халдашгүй байдлын эсрэг гэмт хэрэг их өсч байна. Энэ төрлийн гэмт хэргийн 88,6% нь бусдын биед хөнгөн гэмтэл учруулсан байгаа. Шалтгаан нь хоромхон зуурын уур бухимдлаа барьж дийлэхгүй, архидан согтуурсан үедээ үйлдэж байна. Энэ гэмт хэрэг нь богино хугацаанд хүний эрүүл мэнд, амь насанд ноцтой хохирол учруулдаг.

Үл ялих шалтгаанаас болж гэмт хэрэгт холбогдож байгаа учраас мэргэжлийн байгууллагын зүгээс анхааруулж, хор уршгыг нь танин мэдүүлж байвал буурах бүрэн боломжтой. Залуус бусадтай үл ярих шалтгаанаас үүдэн маргалдаж, улмаар зодолдсоноор эрүүгийн хариуцлага хүлээж, сэтгэл санаа, эрүү мэнд, санхүүгийн хувьд хохирч үлдэж байгаа юм.

-АЙМГИЙН ЦАГДААГИЙН ДАРГААР АХЛУУЛСАН АЖЛЫН ХЭСЭГ ГАРЧ, ХЭРГИЙН ГАЗАРТ АЖИЛЛАЖ БАЙНА-

ЦЕГ-ын ХМТ-ийн дарга, цагдаагийн дэд хурандаа Б.Баатархүү: Төв аймгийн Заамар суманд өчигдөр маш ноцтой осол гарсан. Цагдаагийн байгууллагад тус аймгийн нутгийн Хайлааст багт болсон ослын мэдээлэл хоёрдугаар сарын 28-ны өдрийн 17 цагт ирсэн.

“Эко Алтан заамар”-ын уурхайн нутагт осол гарсан. Дуудлагын дагуу аймгийн даргааг ахлуулсан ажлын хэсэг гарч, хэргийн газарт ажиллаж байна. Одоогоор хоёр иргэнийг гаргаж авсан. Нуранганд дарангдсан хүмүүс 1988-1964 оны хүмүүс байна гэсэн урьдчилсан мэдээлэл байна. Тухайн ослын газрын хамгаалтанд авч ажиллаж байна. Үүнээс өөр дэлгэрэнгүй мэдээлэл хараахан иргээгүй байна гэв.