АТГ-ын даргын суудлаас чөлөөлөгдөж буй Х.Энхжаргалын хийсэн 33 их наядын тухай мэдэгдлийг УИХ-ЫН Тамгын газрын дарга З.Энхболдоос тодрууллаа. Тэрбээр хэлэхдээ Х.Энхжаргал гэдэг хүн халагдахынхаа урд өдөр ийм хариуцлагагүй мэдэгдэл хийж болохгүй. Ямар ч 33 их наядын хэрэг байхгүй тэр тусмаа бондтой ямар ч холбоо байхгүй. 2015 онд эдийн засгийн ил тод байдлын хууль гарсан. Бондны мөнгө 2012 оны 12 сард орж ирсэн зарцуулагдаагүй байсан мөнгө яаж хэрэг болох вэ, 2014 онд зам баригдсан, 2015 онд зам баригдсан, 80 мянган айлын орон сууцны дэд бүтэц баригдсан, нэг их наяд орчим төгрөгийг зээлэнд өгсөн жижиг дундын, бондны төгрөг болгон доллар болгон эзэнтэй харин одоо 33 их наядынхаа эздийг зарла.

33 их наядаа биччихээд төгрөг болгоноор нь зарлах ёстой энэ бол популизм биш энийг ардын намын бүлэг хүсээд байгаа бол өөрсдөө хийх бүрэн боломжтой их хурал дээр шоу болгож ярьж болохгүй. 2016 оны 7 сараас эхлээд бондыг шалгана, үнэ тогтворжуулах хөтөлбөрийг шалгана, 33 их наядыг шалгана тэгээд шалгаад дуусга л даа бүхэл бүтэн 3 жил өнгөрөөд дараагийн сонгууль болох гэж байхад юу яриад байгаа юм.

Бүх зарцуулалт нь тухай үеийн улсын их хурал дээр ил болсон ямар ч нууж хаах юм байхгүй. Харин энэ 33 их наядыг ил болгоод хэн гэдэг бизнесмэн ямар хөрөнгийг ил болгосныг олон нийтэд зарлах ёстой байхгүй юу үнэхээр сэжигтэй байвал хууль бусаар хөрөнгөжсөн гээд хөрөнгийг нь хураах ёстой ялангуяа төрийн албан хаагчдыг түрүүчдийн их хурлаас нууж хаагаад байх юм огт байхгүй. Бүгдийг нь шалга, бүгдийг нь ил болго гэсэн тайлбарыг хийлээ.