Үндэсний хувьсгалын үйл хэргийг манлайлагчийн нэг VII Богд Жавзандамба хутагтын түмэн өлзий гийсний тэгш баясгалант 150 жилийн ой энэ онд тохиож байна. Уг ойн хүрээнд “Монгол Улсын хаан VIII Богд Жавзандамба хутагт” сэдэвт үзэсгэлэнг Монголын Үндэсний музейд зохион байгуулж байна. Архивын ерөнхий газар, Гандантэгчинлэн хийдтэй хамтран зохион байгуулсан үзэсгэлэнд уг түүхэн хүнтэй холбогдох 100 гаруй үзмэр , баримт бичгийг дэлгэн үзүүлж байгаа юм.

VIII Богд улс төрийн шаггүй бодлоготон болж төлөвшиж эхэлсэн үеэсээ Манжаас туурга тусгаарлах санааг сэдэж эхэлсэн байдаг. Уг үзэсгэлэнг зургаан хэсэгт хувааж, Богд хаантай холбогдох эд өлгийн зүйлс албан бичиг зарлиг, түүхэн эх сурвалж баримтуудыг дэлгэн үзүүлсэн байна. Тухайлбал, хаан төрийн заан эрдэнэ бэлгэдэл, цэргийг захирагч, жанжны туг, зарлиг, намтар, он цагийн дараалал бүхий бичиг баримтуудыг дэлгэсэн байна.