Өнөөдөр УУХҮЯ-нд "Ил тод, хариуцлагатай уул уурхай" сэдвийн хүрээнл ээлжит хэвлэлийн бага хурлаа зохион байгууллаа. Уг хурлаар 2019 оны дөрөвдүгээр сарын байдлаар улсын төсөвт 981 тэрбум төгрөг төвлөрүүлсэн байна. Өмнөх оны мөн үеэс 806 тэрбум төгрөг буюу 17.9 хувиар өссөн үзүүлэлттэй байна.

Энэхүү мэдээллийн үеэр Уул уурхай, хүнд үйлдвэрийн сайд Д.Сумъяабазар Тавантолгой ордоо түшиглэн гадаадын хөрөнгийн зах зээлд IPO хийж чадвал эдийн засгийн тусгаар тогтнолоо хамгаалж чадна. Энэ ажлыг хийхийн тулд олон улсын зах зээлээс хөрөнгө босгох ажлыг сайн ойлгодог залуусаар багаа бүрдүүлэх шаардлагатай. Одоогийн үнийн өсөлтийн тааламжтай үеийг алдах юм бол Монгол Улсад л хохиролтой. АНУ, Хятадын хооронд үүссэн татварын маргаанаас үүдэлтэй өчигдөр эдийн засгийн форум дээр шинэ хямрал бий болох эрсдэлтэй тухай анхааруулсан. Тавантолгой олон улсад хүлээн зөвшөөрөгдөөд IPO хийвэл 33600 шинэ ажлын байр бий болно. Монгол Улс ирэх 2021 онд 2.9 тэрбумын бондын төлбөрийг хийх ёстой. Үүнийгээ ч эндээс олох боломжтой" гэлээ.

Мөн сүүлийн өдрүүдэд Засгийн газрын нэг сайд нь гаднаас 10 сая ам.долларын хахууль авсан тухай дуулиан дэгдээд байгаа.

Энэ асуудалд тэрбээр, “Ийм зүйл огт байхгүй. Би 2006 онд ард түмнийхээ итгэл сэтгэлээр аварга болоод, цол хүртэж байсан. Энэ сайхан ард түмнийхээ итгэл, сэтгэл удам судраа хадгалж явна. Нэр ашиглаж, нүүрс баяжуулах үйлдвэртэй болсон, 100 машинаар нүүрс тээвэрлэж байна гэхчлэн ярьж, бичиж гүжирдэж байгаа. Чухам ямар үндэслэлээр ингэж яриад байгаа юм. Би Ерөнхийлөгчтэй айлчлалаар хамт яваагүй. Энэ асуудлыг шүүхэд өг гэж хэлсэн” гэлээ.