Бага насны хүүхэд гэртээ өлсөж амь насаа алдсан хэрэг Сөүлд гарлаа.Сөүл хотын Инчеон дүүрэгт оршин суудаг хос өнгөрсөн сарын 23-наас эхлэн маргаж, аль аль нь гэрээсээ гарч явсан бөгөөд ээж нь (18 настай) хүүхдээ авч явжээ. Тэрээр тухайн өдрийн орой 21 цагийн орчимд гэртээ эргэн ирсэн ч маргааш нь гэрээсээ ганцаараа гарч явсан бөгөөд 5-р сарын 25-28-ны өдрүүдэд гэрээсээ гадуур согтууруулах ундаа хэрэглэж байгаа зургуудаа өөрийн нийгмийн сүлжээний хуудастаа нийтэлжээ.

Энэ хугацаанд нөхөр (21 настай) нь найзуудтайгаа гадуур видео тоглоом тоглож явсан бөгөөд 31-ний өдөр гэртээ эргэн очсон байна. 5-р сарын 31-ний өглөө ээж нь нийгмийн сүлжээн дээрээ муу зүйл тохиолдсон талаар нийтэлсэн бол нөхөр нь тухайн өдрийн орой 16 цагт хүүхэд нь нас барсан тухай цагдаад мэдүүлжээ. Тэднийг бага насны хүүхдийг үл ойшоосны улмаас амь насаа алдахад хүргэсэн гэх үндэслэлээр баривчлан саатуулсан байна.