Өнгөрсөн долоо хоногт Их Британий цагдаагийн албаныхан Эссекс орчимд явсан ачааны машины чингэлгээс 39 хүний цогцос илрүүлсэн. Тэгвэл уг ачааны машиныг жолоодож явсан 25 настай М.Робинсоныг баривчлах шийдвэрийг шүүх гаргалаа.

Түүний хэрэгтэй холбогдох дараагийн шатны шүүх хурлыг арван хоёрдугаар сард товлосон бөгөөд хүн амины хэрэг, хүний наймаа, хууль бус цагаачлалын ажиллагаанд тусалсан, мөнгө угаасан хэрэгт буруутгаад байна. Одоогоор цагдаагийнхан хохирогчдыг таниулахаар ажиллаж байгаа бөгөөд задлан шинжилгээ хийж эхлээд байгаа.

Мөн цагдаагийнхан амиа алдсан хүмүүсийг таних ДНХ-ийн шинжилгээ хийхийн тулд хохирогчдын дунд өөрсдийн гэр бүлийн гишүүд байж магадгүй гэж үзсэн Вьетнам дахь төрөл төрөгсдөөс нь хумс болон үсний дээжүүдийг цуглуулж эхэлжээ. Энэ хэрэгтэй холбогдуулан Их Британийн Ерөнхий Сайд Борис Жонсон буруутай хүмүүсийг олж хариуцлага хүлээлгэнэ гэж мэдэгджээ.

Эх сурвалж: bloombergtv.mn