Засгийн газрын Хэрэг эрхлэх газрын дарга Л.Оюун-Эрдэнэ: “Би Өргөн нэвтрүүлгийн тухай хуулийг дэмжиж байгаа. Олон улсын нийтлэг жишгээр оюуны бүтээл үнэлэгдэх нь зөв. Сэтгүүлчид улс төрчдөөс хараат биш байгаасай гэсэндээ дэмжиж байна. Нууц биш бүгдээрээ хаалтын гэрээ гээд л янз бүрийн асуудал ярьдаг. Улс төрчид хэвлэл мэдээлэлд нөлөөлөх гэж хувийг нь худалдаж авдаг. Эзэн нь “Энэ мэдээллийг бодлогоор дэмж. Энэ хүнийг “харлуул” гэдэг. Ийм зүйл хийгддэг нь нууц биш. Энэ жишигт эцэслэн цэг тавигдаасай гэж бодож байна. Телевизийн сувгууд өргөн нэвтрүүлгээр цацагдаж байгаа контентоос мөнгө олж байгаа. Тэгэхээр энийг тодорхой хэмжээнд хуваах нь дэлхийн аль ч улсад байдаг зүйл. Үүнийг хуулийн хүрээнд цэгцэлнэ. Тиймээс хэвлэл мэдээллийн байгууллагууд сайн контент хийвэл санхүүгийн хувьд хэнээс ч хараат бус байх боломжтой. Жинхэнэ чөлөөт хэвлэл байхын төлөө дэмжиж байгаа” гэлээ.