БСШУС-ын сайдын өв соёл бүртгэл шинэчлэн батлах тухай тушаалаар Монгол Улсын биет ба биет бус соёлын өвийн төлөөллийн үндэсний бүртгэлийг шинэчлэн баталсан байна.

Монгол Улсын биет бус соёлын өвийн төлөөллийн үндэсний бүртгэлд ардын язгуур урлагийн 39 дүгээр хэсэгт Баянхонгор аймгийн хүүхдийн Тэмүүжин театрын “Чулуун царгил” хөгжим тоглох урлаг бүртгүүлжээ. Тус хөгжмийг Баянхонгор аймгийнхан олны хүртээл болгон хөгжүүлж, сум бүрт “Чулуун царгил”-ын чуулгатай болж нийтэд түгээн дэлгэрүүлж байгаа аж.

Аймгийн хүүхдийн “Тэмүжин” театр чулуун царгил хөгжмийг Ерөнхий боловсролын сургуулийн сурагчдад хэрхэн яаж тоглохыг зааж, сургаж эхэлжээ. Уг хөгжмийн зэмсэг нь байгалийн дуу авиаг гаргадаг учраас хүүхдийн боловсролд эерэг нөлөө үзүүлдэг байна. Үүнээс гадна “Тэмүжин” театрын хүүхдүүд олон шинэ дуулалт жүжиг тавиад байна гэж хүүхдийн “Тэмүжин” театрын дарга Б.Ганчимэг ярьсан юм.