Токио-2020 олимпын Ази, далайн орнуудын боксын эрх олгох тэмцээн гуравдугаар сарын 3-11 өдрүүдэд Йорданы нийслэл Амман хотод зохиогдохоор боллоо. Уг тэмцээнийг Хятадын Үхань хот хүлээн авахаар бэлдэж байсан боловч коронавирусийн тархалтаас болж цуцлагдсан билээ. Арабын тэмцээнээс хөнгөн жинд эхний зургаа, дунд жинд эхний тав, хүнд жинд эхний дөрвөн байр эзэлсэн тамирчдад “Токио-2020” рингэнд тулалдах эрх олгоно. Хэрвээ Амманд олимпийн эрх авч чадалгүй өнгөрвөл тавдугаар сард Парис хотноо цугларч, олимпын үлдсэн эрхийн төлөө ширэн бээлийтнүүд ёстой "нэгийгээ үзэж, нэхий дээлээ уралцана".

Монголын боксчид 1972-2016 оны хооронд олимпын наадамд нийт 11 удаа ширэн бээлийгээ зөрүүлж, нэг алт, гурван мөнгө, гурван хүрэл медаль хүртсэн түүхтэй. Харин тухайн цаг үеэсээ болж 1984 онд олимпод ороогүй түүх бий.

Н.Төгөлдөр