ТББХ-ны хуралдаан дээр УИХ-ын гишүүн Л.Болд “Улс төрийн намын тухай хуулийн 16.2-т хамаарсан урлаг, спорт, уулзалт зэрэг олон нийтийг хамарсан арга хэмжээнд оролцвол хууль зөрчсөн болно. Харин Улс төрийн Намаас зохион байгуулсан уулзалт сургалт хамаарахгүй гээд байх шиг байна. Учир нь, уулзалт, сургалт ямар нэг санкцгүй байгаа” үүнийг тодруулах гэсэн юм гэхэд УИХ-ын гишүүн Х. Нямбаатар: “Санал хураалтын урьдчилсан дүнг илтэд гуйвуулсан тохиолдолд зөрчил гэж үзье гэсэн шүү дээ. Ер нь уулзалт арга хэмжээ хийх эрх нь та бидэнд нээлттэй үлдсэн шүү дээ” гэсэн бол, СЕХ-ны дарга Ч.Содномцэрэн: “Хуулийн төсөл дээр маш тодорхой заачихсан байгаа. Сая Х. Нямбаатар дарга тодорхой хэллээ шүү дээ. Болно гээд хуулийн төсөлд оруулаад явж байгаа шүү дээ. Гэхдээ Намын гишүүдийнхээ дунд гэж байгаа шүү” гэсэн юм.

С.Бямбацогт “Намынхаа гишүүдтэй уулзаж болно, жирийн иргэдтэй уулзах асуудалтай юм уу гээд асуугаад байдаг”. Гэтэл манай нөхдүүд хариулахдаа “Намын гишүүдтэйгээ уулзахыг зөвшөөрнө” гэж хариулаад байдаг. Үүнийг нэг анхаараарай” гэсэн юм.