Түүхий нүүрс түлсэн, товчоогоор оруулахаар завдсан 471 тн нүүрсийг Амгалангийн дулааны станцад төвлөрүүлж, хариуцлага тооцжээ

Ц.Анударь / Нүүр

Түүхий нүүрсний хэрэглээг хориглосон Засгийн газрын 2018 оны 62 дугаар тогтоолын хэрэгжилтийг хангуулахаар 2019 оны 10 сарын 01-нээс 2020 оны 03 сарын 30-ны өдрийг хүртэл Өндөржүүлсэн бэлэн байдлын зэрэгт НМХГ-ын нийт бие бүрэлдэхүүн өндөржүүлсэн бэлэн байдлын зэрэгт ажиллаж байна.

Агаар бохирдуулагч эх үүсвэрүүдэд хийсэн хяналт шалгалтын дүн, авсан арга хэмжээ, хүрч буй үр дүн:

- Агаарын чанарыг сайжруулах бүсэд харьяалагдах 154 хороодод хяналт шалгалт хийх 166 улсын /ахлах/ байцаагч агаар бохирдуулагч 5572 объектод хяналт шалгалт хийсэн.

- Түүхий нүүрсний хэрэглээг хориглосон Засгийн газрын тогтоол зөрчсөн, зөрчил гаргасан иргэн, аж ахуйн нэгжүүдэд 1948 мэдэгдэл, зөвлөмж, 869 албан шаардлага хүргүүлж, Зөрчлийн тухай хуулийн дагуу 179 сая 150 мянган төгрөгийн торгууль ногдууллаа. Түүхий нүүрс түлсэн, товчоогоор оруулахаар завдсан 143 удаагийн 471 т нүүрсийг Амгалангийн дулааны станцад төвлөрүүлж Зөрчлийн тухай хуулиар арга хэмжээ тооцлоо. 1080 объектыг хий, цахилгаан халаагуурт шилжүүлж, ахуйн энгийн зуухыг сайжруулсан зуухаар солих, үнс баригч суурилуулах, төвлөрсөн дулаан хангамжид холбуулах зэрэг ажлууд хийгдлээ. Тухайлбал, Эко констракшн, Топ декорэйшн, Өнө орших маргад, Магнет сервис, Кондитер Улаанбаатар ХХК, Саадэ ХХК, Номин тав трейд ХХК халаалтын зуухны үйл ажиллагааг зогсоосон.

- Улаанбаатар хотын агаарын бохирдлын 10 гаруй хувийг үүсгэж байгаа хөдөлгөөнт эх үүсвэрийн нэг болох их багтаамжийн 453 автобусны хаягдал утаанд Авто тээврийн Үндэсний төв, Тээврийн Цагдаагийн албатай хамтран хэмжилт хийж стандартын шаардлага хангахгүй 210 автобусыг засвар үйлчилгээ хийлгэн үйлчилгээнд гаргаж Зөрчлийн тухай хуулийн дагуу 8.0 сая төгрөгийн торгуулийн арга хэмжээ ногдууллаа.

- 100 кВт-с дээш хүчин чадалтай халаалтын зуух ашиглагч 119 аж ахуйн нэгж байгууллагад 2020 оны 01, 02-р сард хяналт шалгалт хийж 20 аж ахуйн нэгжид Зөрчлийн тухай хуулийн дагуу 27 сая 900.0 мянган төгрөгийн торгууль ногдуулан барагдууллаа.

- Засгийн газрын тогтоол зөрчин түүхий нүүрс түлсэн нийт 77 зөрчлийг илрүүлж 139,3 тн түүхий нүүрсийг битүүмжилж дулаан үйлдвэрлэх тусгай зөвшөөрөлтэй Хоёулаа хүү ХХК-ийн халаалтын зуухны байгууламжид буулгууллаа. Түүхий нүүрс түлсэн зөрчил илэрсэн 34 хороодын Засаг дарга нарт арга хэмжээ тооцуулахаар 6 дүүргийн Засаг даргад албан бичиг хүргүүллээ.

- Таван толгой түлш ХХК-ийн үйлдвэрлэлийн үйл ажиллагаанд 366 улсын /ахлах/ байцаагч 24 цагаар байнгын хяналт шалгалт хийж байна. Таван толгой түлш ХХК нь 2019 оны 10 сараас хойш 334566тн шахмал түлш үйлдвэрлэн, 346189тн шахмал түлш худалдаанд гаргасан. Шахмал түлш, барьцалдуулагч бодисоос сар бүр дээж авч лабораторийн шинжилгээнд хамруулан шинжилгээний дүнд үндэслэн улсын байцаагчийн дүгнэлт гарган хүргүүлж байна. Шахмал түлшний 10 хангамжийн бааз, 17 дундын агуулах, 390 борлуулалтын цэгт МХЕГ, НХМГ-ын 313 улсын /ахлах/ байцаагч байнгын хяналт шалгалт хийж, түлшний нөөц, тээвэрлэлт болон илэрсэн зөрчлийн талаар тухай бүр Таван толгой түлш ХХК-ийн удирдлагад мэдээллийг шуурхай хүргэх арга хэмжээг хэрэгжүүлэн ажиллаж байна.

Автотээврийн шалган нэвтрүүлэх товчооны хяналт, авсан арга хэмжээ хүрсэн үр дүн:

- Автотээврийн шалган нэвтрүүлэх 8 товчоо, хяналтын цэгүүдэд 2019 оны 05 дугаар сарын 15-ны өдрөөс Цагдаагийн байгууллагатай хамтран 24 цагаар ажиллаж байна. НМХГ-ын давхардсан тоогоор 702 улсын байцаагч 180704 тээврийн хэрэгсэлд шалгалт хийсэн. Багануурын Налайхын Төв аймгаас 66 удаагийн үйлдлээр түүхий нүүрсийг Улаанбаатар хот руу зөвшөөрөлгүйгээр нэвтрүүлэхийг завдаж, 331.7тн түүхий нүүрсийг хураан Амгалан Дулааны станцид буулгуулж, Зөрчлийн тухай хуулийн дагуу 3 сая 250.0 мянган төгрөгийн торгууль ногдууллаа.

Иргэдийг угаарын хийн хордлогоос урьдчилан сэргийлэх зөвлөмж мэдээллээр хангах, угаарын хийн хордлогын дуудлагын үед шуурхай ажиллах зорилгоор НМХГ-т болон төвийн 6 дүүрэгт Мэргэжлийн хяналт, Онцгой, Цагдаа, Эрүүл мэндийн байгууллагын албан хаагчдын бүрэлдэхүүнтэй штаб 24 цагаар үүрэг гүйцэтгэлээ.

Хавар, намрын улиралд гадаад болон дотоод орчны агаарын температурын зөрөө багассанаар яндангийн таталт муудаж угаарын хийн хордлогод өртөх магадлал ихэсдэг тул зуух, яндангаа цэвэрлэх, хөөлөх, битүүмжлэл, таталтыг шалгах, агаар сэлгэлтийг тогтмол хийх, угаарын хий мэдрэгчээ салгахгүй байх зэрэг арга хэмжээнүүдийг авч хэрэгжүүлэн болзошгүй эрсдэлээс урьдчилан сэргийлье.

Түүхий нүүрс түлсэн, агаар бохирдуулж байгаа эх үүсвэрийн талаарх мэдээллийг НМХГ-ын Шуурхай албаны 70128012 дугаарын утсанд мэдээлээрэй.

Нийслэлийн Мэргэжлийн хяналтын газар


Сэтгэгдэл

Зочин [64.119.25.228] 2020-03-19 01:19:42

Зөв шүү

Зочин [64.53.234.130] 2020-03-18 17:31:34

Tuuhii nuurs tulj baigaa humuus bol Mongold daisagnagch gej uzehees oor arga tuuhii nuursee saijruulsan tulsheer soliulj avah bolomj olgoson baital tuuhii nuurs tulj utaa tavij baigaa ni zevuutseltei

MOGEUH [202.55.188.46] 2020-03-18 12:00:20

Mongolin Ontsgoi gamshgin ersdel unlegchdin holboo ard irged ta buhen gaduur baga yavaj garaa saitar ugaaj gertee agaar solij maska zuuj hevshih MOGEUH

Эгэл [202.9.46.229] 2020-03-18 10:56:26

Ухнаагийн хөөргөн хүүгийн ямар ч сонголтгүй, хар муйхраар шахаж тулгаад байгаа Урам хугалж, уур хүргэж, угаартуулан хордуулж, улмаар амь, нас залгиад байгаа Улаан ууттай хорт нүүрс чинь амьдралд нийцэхгүй, айлгаж тарчлааж, агаар ч цэвэршсэн юмгүй болохоор хүмүүс арга ядахдаа түүхий нүүрс оруулаад байна шүү дээ. Хөөрцөглөж, хүчээр дарангуйлж, хүн амьтан тарчлаахаа больцгооо МАН аа. Ерөнхийлөгч ч гэсэн энэ хорт нүүрсийг чинь аль хэдийнээ хорьсон шүү дээ.


4 сэтгэгдэл байна
1000 тэмдэгт оруулах үлдлээ.
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
4 сэтгэгдэл байна
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.