Олон улсын ачаа, тээврийн хэрэгсэлд бүрэн халдваргүйжүүлэлт хийж байна

Сэлэнгэ /МОНЦАМЭ/. Өндөржүүлсэн бэлэн байдлын энэ хугацаанд өнөөдрийн байдлаар аймгийн хэмжээнд замын хөдөлгөөний хяналтын 8 цэгт холбогдох байгууллагуудын албан хаагч үүрэг гүйцэтгэж, орох, гарах хөдөлгөөнд 1725 зорчигч, 584 тээврийн хэрэгсэл дамжин өнгөрчээ.
Дамжин өнгөрч байгаа нийт зорчигчдын биеийн халууныг хэмжин, заавар зөвлөмж өгч байна. Олон улсын чанартай авто замаар зорчиж байгаа тээврийн хэрэгслийг ариутгах ариутгал халдваргүйтгэлийн пунктээр 3 дугаар сарын 01-нээс 18-ны өдрүүдэд ОХУ-аас Алтанбулаг боомтоор дамжин орж ирсэн нийт 457 тээврийн хэрэгсэлд ариутгал хийж, 838 зорчигчид зөвлөмж өгч ажиллажээ.
Улсын Онцгой комисссын 3 дугаар сарын 17-ны өдрийн 12 дугаар хуралдаанаас гарсан шийдвэрийн дагуу Алтанбулаг боомтоор Монгол Улс руу нэвтрэх олон улсын ачаа, тээврийн хэрэгсэлд бүрэн халдваргүйжүүлэлт хийж, хил, гаалийн цогцолбороос нэгдсэн зохион байгуулалттайгаар цагдаагийн хамгаалалт, хяналтын дор Улаанбаатар хот дахь гаалийн хяналтын талбай хүртэл шуурхай хөдөлгөөн үйлдэж, дээрх тээврийн хэрэгслийг Алтанбулаг хилийн боомт руу шууд буцаах арга хэмжээ авч ажилласан байна.
Аймгийн Онцгой комиссын шийдвэрээр Сүхбаатар, Алтанбулаг суманд иргэд олон нийтийг шинэ коронавирусний халдвар, гэмт хэрэг зөрчлөөс урьдчилан сэргийлэх зорилгоор төрийн болон нутгийн захиргааны байгууллагын ажилтан албан хаагчид өдөр бүр 16.00-22.00 цагийн хооронд хөдөлгөөнт эргүүл хийн ажиллаж байна.
Эх сурвалж: Монцамэ
Монгол Улсын 32 дахь Ерөнхий сайдаар Л.Оюун-Эрдэнийг дэвшүүлэхээр тогтжээ
Хурандаа У.Хүрэлсүхийн тактик ба Ерөнхийлөгчийн сонгууль
С.Одонтуяа: МАН-ын дотоод тэмцэл дээд цэгтээ хүрч цуврал жүжиг тавьж байна
Б.ЦЭЦЭГ: Ганган гоё, боловсролтой маш сайхан залуус үлгэр шиг гарч ирсэн. Гэтэл Х.Ганхуяг, Г.Дамдинням, Г.Амартүвшин та нар ард түмнээ яаж ингэж хуурч чадав аа
Х.Отгонбаатар: Сүхбаатарын талбайд гарч жагсахаасаа айдаг биш, ийм нийгэмд амьдрахаасаа айдаг байх хэрэгтэй шүү хэрсүү монголын иргэд ээ!!!
Монгол Улсын Ерөнхийлөгч Х.Баттулга: Иргэдийн сайн дураараа эвлэлдэн нэгдсэн жагсаалыг хэн нэгэн удирдан зохион байгуулсан мэт илтэд хуурамч мэдээлэлд итгэн гаргаж буй мэдэгдэл нь туйлын харамсалтай байна
Д.Амарбаясгалан ЗГХЭГ-ын даргаар ажиллахаар болжээ
Нямтайширийн Цэлмүүн “Монгол HD” телевизийн нэвтрүүлэгч Ариунтунгалаг нар маргахад анхаардаг ард түмэн шүү дээ
“Би ээж хүн, ялтан биш” гэсэн бичиг барьж, усны хувцастайгаа эсэргүүцлээ илэрхийллээ
УИХ-ын гишүүд яагаад юу ч дуугарахгүй байна вэ, хүйтэн сэтгэлтэй эмэгтэй гишүүд хаана байна! Талбай дээр гараад ир