УОК-ын ээлжит хуралдааны дараа мэдэгдэл хийх үеэр БСШУС-ын сайд Ё.Баатарбилэг “Энэ халдварт өвчин бүх салбарт сорилт бий болгож байна. Заавал төлбөртэй гэхгүй бүр төрлийн сургуулиудад асуудал үүсгэж байна. Төрийн болон хувийн сургуулиудад хүндрэл үүсч байна. Хэдийгээр багш нар цахимаар харьцаж, хичээл номыг нь хийлгэж байгаа ч, хүүхдүүд сургуульдаа яваагүй учраас төлбөрөө төлөхгүй, тэгэхээр багш нар цалингүй болно гээд асуудал гарч ирж байна. Их, дээд сургуулиудад бас асуудал үүссэн. Төрийн өмчийнх ч, хувийн хэвшлийнх адил их, дээд сургуулийн данс улайж байна. Бид энэ бүхэнд тооцоо судалгаа хийгээд ажиллаж байна. Цаашдаа Засгийн газрын хуралдаанаар оруулж асуудлыг шийдвэрлэнэ.