Хамгийн түрүүнд Ардчилсан намын талаар санал хэлчихье гэж бодож байна. Энэ сошиал ертөнцөөр АН-ын талаар 100 сая төгрөг авах гэлээ, дахиад 100 саяыг авах гэнэ. Ийм их мөнгө цуглуулж яах гэж байгаа юм бэ. Эргээд мөнгөө олж авахын тулд ийм их мөнгө тушаасан хүмүүс эргээд улсыг самарна гэж ирээд АН-ын талаар маш муухай сөрөг мэдээллийг сошиалаар явуулж байна. Үүн дээр би саналаа хэлье гэж бодож байна. Бас АН-ыг өмөөрье гэж бодож байна. Нэгэн үед би Ардчиллын туг нь болж явсаных, ардчиллын галыг нь унтраачихгүй авч үлдэх гэж тусалж, дэмжиж явсан үе надад бас бий. Тиймээс энэ удаа ч гэсэн АН-ыг өмөөрье гэж бодлоо. Ямар ихээр АН-ыг сошиалаар доош нь хийж, гүтгэж, доромжилж байна вэ. Арай хэрээс хэтэрч байна. Сошиалд маш их мөнгө төлж, АН-ыг 100 сая төгрөг авсан талаар гаргаж байх юм. 100 сая төгрөг хэр их мөнгө юм бол. Өнөөдөр та нар Улаанбаатарын замыг хараарай. Энэ зам дээр өнөөдөр 400-500 сая төгрөгийн үнэтэй жип, порше унасан залуучууд явж байна. Тэд ямар ч улс төр сонирхдоггүй, зүгээр жирийн энгийн бизнес хийдэг залуучууд. Тэгвэл тэдний унасан машины талын талд ч хүрэхгүй мөнгө шүү дээ, 100 сая гэдэг чинь. Гэтэл өнөөдөр нэр дэвшигчдээсээ 100 сая төгрөг авъя гэснийх нь төлөө ингэж их муулж байгаа нь хэрээс хэтэрч байна. Бидний жишээ авахыг зориод байдаг Америкийн жишээг хэлээд өгье. Америкийн конгрессын гишүүн болъё гэж бодож байгаа хүн таван саяас багагүй ам.доллар гаргаж байж, конгрессын гишүүн болж чадах уу, үгүй юу гэдэг юм шүү. Тэгээд тэр мөнгөө эргүүлж олж авъя энэ тэр гэж хөөцөлддөг зүйл байдаггүй. Улс төрд орж байгаа хүн болгон, мөнгө гаргасан хүн бүр түүнийгээ арав нугалж олж авна гэсэн бодолтой байдаггүй юм. “Хүн болгон адилгүй, хүлэг болгон жороогүй” гэдэг ардын сайхан үг бий. Сошиал ертөнцөөр нэрээ нуусан, нүүрээ нуусан, маш олон хуурамч хаягнаас мөнгө төлсөн хөлсний бичээчид харыг цагаан болгож, цагааныг хар болгож байгаа шүү. Монголчууд минь тун болгоомжтой байгаарай.

Нэгэнт АН-ын талаар ярьсных, “Ам нээвэл уушги нээ” гэдэгчлэн С.Эрдэнэ даргын талаар нэг зүйл хэлье. Энэ хүнийг маш их гүтгэж, доромжилж байх шиг байна. Би Эрдэнийн нэг сайн талыг мэдэх юм. С.Эрдэнэ бол зовлон үзсэн, зоригтой хүн шүү. Зоригтой, шийдэмгий хүн л өнөөдөр өөрчлөлтийг явуулна, хувьсгалыг авчирна. Би энэ тал дээр нь С.Эрдэнэ даргад ёстой эргэлздэггүй.

Нөгөөтэйгүүр, АН-аас маш их урвагчид гарч ирж байна. 100 сая төгрөгөө тушаасан хүмүүсийнх нь нэрсийг гаргаад л тавьчих юм. Намын нууц гэж байдаггүй юм байх даа. Үүн дээр нь дөрөөлөөд маш их гүтгэлэг, доромжлол явж байна. Би зарим нэг урвагчдыг нь хэлмээр санагдаж байна. Ялангуяа Лу.Болд, Ж.Батзандан гэж хоёр урвагч байна. АН-ын нэрээр сонгогдож, УИХ-ын гишүүн болчихоод, үр шимийг нь хүртчихээд яг хэрэгтэй үед нь АН-аасаа гараад, ар нуруу руу нь хутгалаад урваж байгаа байхгүй юу. Үүн шиг муухай юм байхгүй ээ. Өнөөдөр намын нөхдөө нуруу руу нь “Түгжилдэж” хутгалсан хүмүүс маргааш ард түмнийг хуурна. Ард түмнээ “Түгжилдэнэ” шүү. Тиймээс АН-ыг энэ урвагчдаасаа болгоомжлоорой гэж хэлмээр байна.

Би АН-д туг нь болж явсан, ядарч байхад нь хань болж, энэ намыг хөл дээр нь босгож явсан ач гавьяатай хүний хувьд нэг зүйлийг хэлье гэж бодож байна. Би АН-д орж ч явсан, гарч ч явсан. Зарчим нийлэхгүй гарч явахдаа би хаалгыг нь саваад гарснаас биш, урваж яваагүй. Би ар нуруу руу нь хутгалж, “Түгжилдэж” яваагүй шүү. Би өөрийн замаар, өөрийн мөрийг хөөгөөд явж байсан юм. Үнэн юм үнэнээрээ байх хэрэгтэй. Миний АН-ын нөхдүүд бас үүнийг мэдэж байгаа. Би АН-аа чадах юман дээрээ өмөөрч, туслах юман дээрээ тусалж явна.

Энд бас эрлийзүүдийн тухай яримаар байна. Өнөөдөр Монголын төр лүү эрлийзүүд гэтэж байна шүү. Би хятад хүнд, Хятад улсад дургүй биш ээ. Бид Хятад улстай ухаалаг харьцах хэрэгтэй. Хятад улстай хамтран ажиллаж байж дагаж хөгжих ёстой. Харин эрлийзүүд Монголын төр лүү ойртох хэрэггүй, Монголын төрийг бузарлах ёсгүй. Зартай луйварчин этгээд ард түмний толгойг эргүүлээд Монголын төрд гарах гээд явж байна. Би үүнд маш их дургүйцэж байгаа. Хэнийг хэлэх гээд байгааг минь ард түмэн мэдэж байгаа. Нэг өндөр нарийхан нөхөр байгаа. Ийм луйварчид, ийм эрлийзүүд бизнесээ хийгээд явах хэрэгтэй. Харин Монголын төрөөс хол байх ёстой шүү.

Ерөнхийлөгчийн уриалгын талаар ярья гэж бодож байна. Монгол Улсын Ерөнхийлөгч төсвийн тодотгол хийгээч ээ гэж хэлсэн. Төсвийн тодотгол хийхгүй бол онц дэглэмийг далимдуулж, маш их мөнгө төгрөг идэж ууж байна. Тиймээс төсвийн тодотголоо яаралтай хийж, улсын төсвийг хуулийн дагуу зарцуулах гэсэн Ерөнхийлөгчийн ярьж байгаа яриа, уриалга зөв шүү.

Мөн тэр сонгуулийн асуудал байна. Сонгуулийг хойшлуулаач гэж Ерөнхийлөгч уриалсан. Энэ удаагийн сонгуулийг хойшлуулах хэрэгтэй. Өнөөдөр коронавирусын тархалт дуусаагүй байгаа. УИХ-ын чуулган цахимаар хуралдаж байгаа. Есдүгээр сарын 1 хүртэл сургууль, цэцэрлэгээ хойшлуулчихлаа. Дээр нь эдийн засгийн асуудал элгээрээ хэвтчихсэн байгаа. Ард иргэд болон жижиг дунд бизнес эрхлэгчид маш ихээр хохирч, хүмүүс мөнгөгүй болсон байгаа. Эдийн засгаа элгээрээ хэвтчихсэн байхад сонгууль хийх гээд явж болохгүй. Хамгийн түрүүнд эдийн засгаа өөд нь татах хэрэгтэй. Мөнгөний урсгалыг зохицуулах хэрэгтэй. Цус нь тасалдаад зогсчихсон байгаа бизнесээ эргэлтэд оруулж, ажлын байр бий болгох хэрэгтэй. Хүн рүүгээ төвлөрсөн, хүндээ очсон мөнгө хийгээч ээ. Хүн нь мөнгөтэй болбол тэр чинь үйлчилгээ авна, дэлгүүр лүү явна, бизнесээ дэмжинэ. Хүүхдийн мөнгийг нэмж өгөөч ээ. Хүүхдийн мөнгийг санаачилсан хүний хувьд хэлэхэд 10-хан мянгыг нэмэх биш. ОХУ гэхэд бараг 1000 ам.доллар хүүхдүүдэд өгч эхэллээ. Тэгэхээр ядаж 100 мянган төгрөг хүүхдүүдэд өгөх хэрэгтэй. Дээр нь нэмээд хүн бүрт сая төгрөг өгөх хэрэгтэй. Энэ хүмүүс чинь тэр мөнгийг аваад тасалдчихсан байгаа мөнгөний эргэлтийг ажиллагаанд оруулж, ажлын байр бий болно, бизнес хөгжинө. Хүмүүс мөнгөгүй болчихоод байгаа, мөнгөний эргэлт зогсчихоод байгаа энэ үед ийм арга хэмжээнүүдийг аваач ээ. Сонгууль гэж хоёр сар хаяад алга болохын оронд элгээрээ хэвтчихсэн байгаа эдийн засгаа өөд нь тат. Дараа нь тэр сонгуулиа явуул.