Инфографик: “Монгол Улсын Элчин сайдын яам нээн ажиллуулах тухай” Улсын Их Хурлын тогтоолын танилцуулга

Ц.Анударь / Улстөр

Улсын Их Хурлын 2019 оны намрын ээлжит чуулганаар хэлэлцэж баталсан хууль тогтоомжийн талаарх танилцуулга, инфографикийг уншигч та бүхэнд цувралаар хүргэж байгаа билээ. Энэ удаа Арабын Нэгдсэн Эмират Улсад “Монгол Улсын Элчин сайдын яам нээн ажиллуулах тухай” Улсын Их Хурлын тогтоолын танилцуулга, инфографикийн хамт хүргэж байна.

Аюулгүй байдал, гадаад бодлогын байнгын хорооны 2018 оны 11 дүгээр сарын 07-ны өдрийн хуралдаанаар урьдчилан зөвшилцөж, Монгол Улсын Засгийн газраас 2019 оны 09 дүгээр сарын 17-ны өдөр өргөн мэдүүлсэн Арабын Нэгдсэн Эмират Улсын нийслэл Абу Даби хотод “Монгол Улсын Элчин сайдын яам нээн ажиллуулах тухай” Улсын Их Хурлын тогтоолын төслийг Улсын Их Хурлын 2019 оны 10 дугаар сарын 11-ний өдрийн чуулганы нэгдсэн хуралдаанаар хэлэлцэж баталлаа.

Монгол Улс Арабын Нэгдсэн Эмират Улс (АНЭУ)-тай 1996 онд дипломат харилцаа тогтоосон бөгөөд найрсаг харилцаа, хамтын ажиллагаатай. Сүүлийн жилүүдэд хоёр талын улс төр, худалдаа, эдийн засгийн харилцаа, хамтын ажиллагаа идэвхжин, өндөр, дээд түвшний харилцан айлчлалын давтамж өсч байна. Хоёр орны харилцаа, хамтын ажиллагааг зохицуулсан 10 орчим гэрээ, хэлэлцээр хэрэгжиж байна.

АНЭУ нь бүрэлдэхүүндээ 7 эмират /ханлиг/-ыг нэгтгэсэн Холбооны улс бөгөөд Булангийн орнуудын худалдаа, эдийн засаг, хөрөнгө оруулалтын гол төв юм. Тус улсын худалдаа, хөрөнгө оруулалтын эрх зүйн орчин тааламжтай, тогтвортой, тодорхой учраас дэлхийн томоохон банк, санхүүгийн байгууллага, компаниуд Дубай, Абу Даби зэрэг хотод төлөөлөгчийн газар, салбараа нээн ажиллуулж, тус улс худалдаа, хөрөнгө оруулалт, бизнес, аялал жуулчлалын төв болон хөгжиж байна.

Манай улс Булангийн орнуудтай харилцааны агуулга, үр дүнг өргөжүүлэх, тэднээс буцалтгүй тусламж, хөнгөлөлттэй зээл авах, хөрөнгө оруулалт татах, хамтарсан төсөл хэрэгжүүлэх боломжтой. АНЭУ-д Элчин сайдын яам нээн ажилуулснаар Абу Дабигийн хөгжлийн сан, Абу Дабигийн хөрөнгө оруулалтын газар зэрэг хөгжлийн сан, санхүүгийн байгууллагуудтай шууд холбоо тогтоон, ойр хамтран ажиллах, хувийн хэвшлийн хүрээнд хамтын ажиллагааг дэмжих замаар хөрөнгө оруулалт татах зэрэг шинэ боломж нээгдэнэ.

АНЭУ-д 40 гаруй монгол иргэн байнга оршин суудаг, мөн сүүлийн жилүүдэд манай иргэд хувийн хэргээр зорчих нь нэмэгдэж байна. Тухайлбал, 2017 онд 800 гаруй монгол иргэн зорчсон байна. Эдгээр иргэдийн хууль ёсны эрх ашгийг хамгаалах, тэдэнд консулын үйлчилгээг түргэн шуурхай хүргэх, манай улсад жуулчлах, хөрөнгө оруулах зорилгоор зорчих бусад улсын иргэдэд визийн үйлчилгээг ойртуулах зэрэг боломж мөн адил нэмэгдэнэ.

АНЭУ-ын Абу Даби хотод 102 орны Элчин сайдын яам, Дубай хотод 57 орны Консулын газар ажилладаг ба АНЭУ Элчин сайдын яамаа Улаанбаатар хотод 2016 онд нээсэн.

Иймд харилцан адил байх зарчмын хүрээнд хоёр талын худалдаа, эдийн засгийн харилцааг өргөжүүлэх, хамтын ажиллагааны нөөц бололцоог бүрэн дүүрэн ашиглах зорилгоор Арабын Нэгдсэн Эмират Улсын нийслэл Абу Даби хотод Монгол Улсын Элчин сайдын яам байгуулахаар шийдвэрлэсэн. Абу Даби дахь Элчин сайдын яамыг 3 орон тоотой байгуулахаар төлөвлөсөн.

Улсын Их Хурлын Тамгын газар


Сэтгэгдэл

dobsonz [5.188.211.22] 2020-10-18 15:11:37

BHkAtT http://pills2sale.com/ levitra nizagara

Болгарыг оруулахыг мартсан байна. [202.131.225.53] 2020-05-25 01:54:32

Хаах ЭСЯ-ны тоонд Болгар дахь элчинг оруулахаа мартсан байна. Энэ ЭСЯ сүүлийн жилүүдэд Туркээс хийдэг хар тамхины контрабандын дамжуулах цэг болсноос өөр ямар "хувь нэмэр" Монголын дипломат харилцаанд оруулсныг бүү мэд.

Нэгийг нь хаагаад, нөгөөгий нь нээж болж байна. Бусдаар бол болохгүй. [202.131.225.53] 2020-05-25 01:43:20

Монгол Улс нь дэлхийн аль нэг нэг улсад элчингээ ХААХ юм бол ЗӨРҮҮЛЭЭД хаа нэг өөр улсад ЭСЯ-аа НЭЭЖ болж байна. Жишээ нь Чех, Унгар, Польш, Швед, Лаос, Киргизд хаачих юм бол Арабын орнуудад элчин нээж болж байна. Тэгэхгүй байж дипломат төлөөлөгчийн газраа нээгээд байхыг Монгол Улсын ТӨСӨВ ДИЙЛЭХГҮЙ. Ийм байхад элчин нээгээд байгаа нь "дээгүүр зиндааны хүмүүсийн ХУЙВАЛДААН" гэмээр болж байна.

Зочин [112.96.179.90] 2020-05-25 01:06:57

Hoorhii hoorhii. Odoo nogoo hed ni ochood tu ch hiihgui, zugeer l bod l do. 3han saya huntei, onts hiij amjuuldsg ih business hudaldaa ariljaa baihgui neg uls uchirgui 40-50 ulsad elchin baiguulna... neg elchind dor hayj 5-10 hunii tsalin bodno, gehdee, mongol standartaas 10-20 daih ondor. Ineedtei ch yum da. Jildee zun 500han arab juulchnii visiin ajliig hongon shuurhai bailgahiin tuld 12 saryin turshih sar bur 50000-100000 am dollar. Yamar ce de?

Za bolik [59.153.85.94] 2020-05-25 00:18:18

Iim tcag ued yarih asuudal mun uu? Uvchin tahal.ur shir geed buun asuudal bgg bizdee

Зочин [192.82.75.254] 2020-05-24 23:09:02

Цар тахал дэлхий даяар тархаж хол хорио тогтоосон энэ цаг vед элчин сайдын яам нээх гэж зардал гаргах ямарч шаардлага байхгvй. Энэ асуудлаа хойшлуулах хэрэгтэй.

Зочин [202.126.88.205] 2020-05-24 23:42:43

Шонхор шувуу зөөх гэж яараа биз.

72071212 [211.36.142.4] 2020-05-24 15:55:36

ELCHIN MELCHIN CH YAMAI HEREGEE!!! MONGOLIIN ELCHINGEER TED YAH YM!!! HAR TAMHIND HOLBOGDOJ ONIGOOND ORNO,,,HAR JAGSAALTAAS YAJ GARAHAA BOD!!!!!!!! DELHIIN SHIVSHIG BOLJ BAIJ YUN IH SANAATAI YM,,,,!!!


8 сэтгэгдэл байна
1000 тэмдэгт оруулах үлдлээ.
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
8 сэтгэгдэл байна
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.