ТББХ: УИХ-ын чуулганы 2020 оны намрын ээлжит чуулганаар хэлэлцэх асуудлын тухай тогтоолын төслийг хэлэлцлээ
![](/files/mvzvjjimjkz7rnylvz2k/3/aaaaaaaaaaaaaaaaaaaaaaaa.jpg)
Улсын Их Хурлын Төрийн байгуулалтын байнгын хорооны өнөөдрийн /2020.08.28/ хуралдаан 11 цаг 25 минутад 52.6 хувийн ирцтэй эхэлж, гурван асуудал хэлэлцэхээр Байнгын хорооны дарга Л.Энх-Амгалан танилцуулж, хэлэлцэх асуудлаа баталлаа.
Сонгуулийн ерөнхий хорооны гишүүнээр томилох, гишүүнээс чөлөөлөх тухай тогтоолын төслийг дэмжив
Байнгын хорооны хуралдаанаар эхлээд “Сонгуулийн ерөнхий хорооны гишүүнээр томилох, гишүүнээс чөлөөлөх тухай” Улсын Их Хурлын тогтоолын төслийг хэлэлцэв.
Хуралдаан даргалагчийн зүгээс Сонгуулийн ерөнхий хорооны зарим гишүүд чөлөөлөгдөх хүсэлтээ Байнгын хороонд ирүүлсэн учир Сонгуулийн төв байгууллагын тухай хуулийн 4 дүгээр зүйлийн 4.2, 4.5 дахь хэсэг, 6 дугаар зүйлийн 6.3 дахь хэсэг, Монгол Улсын Их Хурлын чуулганы хуралдааны дэгийн тухай хуулийн 108 дугаар зүйлийн 108.2 дахь хэсгийг үндэслэн Сонгуулийн ерөнхий хорооны гишүүнээр томилох, чөлөөлөх тухай асуудлыг хэлэлцэж байгааг танилцуулав.
Сонгуулийн төв байгууллагын тухай хуулийн 4 дүгээр зүйлийн 4.2-т Хорооны гишүүний тавыг Улсын Их Хурлын Төрийн байгуулалтын байнгын хороо, хоёрыг Монгол Улсын Ерөнхийлөгч төрийн жинхэнэ албан хаагчдаас санал болгосноор Улсын Их Хурал зургаан жилийн хугацаагаар томилно гэсэн заалтын дагуу Жамсранжавын Болд, Пүрвээгийн Дэлгэрнаран, Эрдэнийн Түвшинжаргал нарыг Улсын Их Хурлын Төрийн байгуулалтын байнгын хорооноос Сонгуулийн ерөнхий хорооны гишүүнээр томилуулахаар нэр дэвшүүлж буйг Төрийн байгуулалтын байнгын хорооны дарга Л.Энх-Амгалан танилцуулсан бол Даваанямын Даваа-Очирыг Монгол Улсын Ерөнхийлөгчөөс Сонгуулийн ерөнхий хорооны гишүүнээр томилуулахаар нэр дэвшүүлж буйг Монгол Улсын Ерөнхийлөгчийн Тамгын газрын дарга Ө.Шижир танилцууллаа.
Жамсранжавын Болд нь Цагдаагийн ерөнхий газрын дарга. Цагдаагийн хурандаа цолтой, хуульч мэргэжилтэй. Төрийн албанд 34 дэх жилдээ ажиллаж байна.
Пүрвээгийн Дэлгэрнаран нь Улсын Их Хурлын Тамгын газрын Захиргаа, хүний нөөцийн хэлтэст ахлах референт. Улс төр судлаач, эрх зүйч мэргэжилтэй. Улсад 32 жил ажиллаж байгаа бөгөөд үүнээс төрийн албанд 7 жил ажиллаж байна.
Эрдэнийн Түвшинжаргал нь Улсын Их Хурлын Тамгын газрын Хууль, эрх зүйн хэлтсийн дарга. Эрх зүйч мэргэжилтэй. Улсад 27 жил ажиллаж байгаа бөгөөд үүнээс төрийн албанд 12 дахь жилдээ ажиллаж байна.
Даваанямын Даваа-Очир нь Үндэсний аюулгүй байдлын зөвлөлийн Ажлын албаны дарга. Эрх зүйч, хуульч мэргэжилтэй. Төрийн албанд 39 дэх жилдээ ажиллаж байна.
Хэлэлцэж буй асуудалтай холбогдуулж асуулт асуух шаардлагагүй гэж гишүүд үзсэн бол Улсын Их Хурлын гишүүн Ж.Мөнхбат, Н.Энхболд, Ж.Сүхбаатар нар үг хэллээ.
Улсын Их Хурлын гишүүн Ж.Сүхбаатар нэр дэвшигчдэд хандан Сонгуулийн ерөнхий хороо бол сонгогчдын эрхийг хамгаалах байгууллага гэдэг цаг үеийн шаардлагыг мэдэрч, энэ чиг үүргээ идэвхтэй хэрэгжүүлж ажиллах, мөн улстөрийн хувьд төв, голч байх талаар захилаа.
Ингээд Жамсранжав овогтой Болдыг Сонгуулийн ерөнхий хорооны гишүүнээр дэмжье гэсэн саналын томъёоллоор санал хураалт явуулахад гишүүдийн 86.7 хувийн саналаар, Пүрвээ овогтой Дэлгэрнаранг Сонгуулийн ерөнхий хорооны гишүүнээр дэмжье гэсэн саналын томъёоллоор санал хураалт явуулахад гишүүдийн 80.0 хувийн саналаар, Эрдэнэ овогтой Түвшинжаргалыг Сонгуулийн ерөнхий хорооны гишүүнээр дэмжье гэсэн саналын томъёоллоор санал хураалт явуулахад гишүүдийн 86.7 хувийн саналаар, Давааням овогтой Даваа-Очирыг дэмжье гэсэн саналын томъёоллоор санал хураалт явуулахад гишүүдийн 86.7 хувийн саналаар тус тус дэмжив.
Мөн өөрийнх нь гаргасан хүсэлтийг үндэслэн Сайннямбуугийн Баатаржав, Эрдэнэбилэгийн Батболд нарыг Сонгуулийн ерөнхий хорооны гишүүнээс, Чойнзонгийн Содномцэрэнг Сонгуулийн ерөнхий хорооны гишүүн, Сонгуулийн ерөнхий хорооны даргын үүрэгт ажлаас, Цэдэн-Ишийн Болдсайханыг Сонгуулийн ерөнхий хорооны гишүүн, Сонгуулийн ерөнхий хорооны Нарийн бичгийн даргын үүрэг ажлаас чөлөөлөх асуудлыг хэлэлцлээ.
Ингэснээр уг асуудлыг Байнгын хорооны хуралдаанаар хэлэлцсэн талаарх санал, дүгнэлтийг чуулганы нэгдсэн хуралдаанд танилцуулахаар шийдвэрлэв.
Улсын Их Хурлын чуулганы 2020 оны намрын ээлжит чуулганаар хэлэлцэх асуудлын тухай тогтоолын төслийг хэлэлцлээ
Байнгын хорооны хуралдаанаар үргэлжлүүлэн “Монгол Улсын Их Хурлын 2020 оны намрын ээлжит чуулганаар хэлэлцэх асуудлын тухай” Улсын Их Хурлын тогтоолын төслийг хэлэлцлээ.
Монгол Улсын Их Хурлын 2020 оны намрын ээлжит чуулганаар 106 асуудал хэлэлцэхээр төлөвлөсөн тогтоолын төслийг Төрийн байгуулалтын байнгын хорооны дарга Л.Энх-Амгалан танилцуулав.
Тогтоолын төсөлтэй холбогдуулж Улсын Их Хурлын гишүүн Ё.Баатарбилэг, Ц.Мөнх-Оргил, Б.Пүрэвдорж, Ж.Сүхбаатар, Х.Нямбаатар, Н.Энхболд, Л.Энх-Амгалан нар зарчмын зөрүүтэй санал гаргав. Зарим хуул, тогтоолын төслийг хэлэлцэх асуудлын жагсаалтад нэмэх болон хасах саналын томъёолол тус бүрээр санал хураалт явуулан, дэмжиж шийдвэрлэснээр уг асуудлыг Байнгын хорооны хуралдаанаар хэлэлцсэн талаарх санал, дүгнэлтийг чуулганы нэгдсэн хуралдаанд танилцуулахаар болсон юм.
Засгийн газрын 2020-2024 оны үйл ажиллагааны хөтөлбөр батлах тухай тогтоолын төслийн эцсийн хэлэлцүүлгийг явуулав
Байнгын хорооны хуралдааны төгсгөлд Засгийн газраас 2020 оны 08 дугаар сарын 14-ний өдөр өргөн мэдүүлсэн “Монгол Улсын Засгийн газрын 2020-2024 оны үйл ажиллагааны хөтөлбөр батлах тухай” Улсын Их Хурлын тогтоолын төсөл-ийн эцсийн хэлэлцүүлгийг явууллаа.
2020 оны 8 дугаар сарын 27-ны өдрийн Улсын Их Хурлын чуулганы нэгдсэн хуралдаанаар анхны хэлэлцүүлгийг явуулах үеэр Улсын Их Хурлын даргаас найруулга болон холбогдох хууль, тогтоолын төсөлтэй уялдааг хангах чиглэл өгсний дагуу гүйцээн боловсруулсан зарчмын зөрүүтэй саналын томъёолол тус бүрээр санал хураалт явуулсан юм.
Сэтгэгдэл
Александр [31.31.104.87] 2020-08-29 10:26:56
Здравствуйте! Отправим Ваше коммерческое предложение владельцам/администраторам более 800 000 сайтов! Несколько плюсов при работе с нами: - Приятные цены - нам выгодно, чтобы заказчик получал прибыль, значительно превышающую цену рассылки и обращался снова - Все максимально прозрачно: Предоставим скриншоты из софта, с подробными отчетами о результатах рассылки, подтверждающие выполнение обязательств с нашей стороны. - В отличии от большинства наших конкурентов, оплата ТОЛЬКО за УСПЕШНО доставленные сообщения. Теперь перейдем к гарантиям. Мы понимаем, что в интернете встречается всякое, поэтому чтобы Вам было спокойнее: 1)Перед рассылкой мы предоставим скриншот из программы с Вашим проектом, подтверждающий готовность к запуску 2)Во время рассылки у Вас будет доступ к обратному емайлу, чтобы Вы могли отслеживать процесс рассылки в онлайн-режиме 3)По завершении рассылки отправим скриншоты с подробными отчетами о результатах рассылки, подтверждающие выполнение обязательств с нашей стороны. Свяжитесь с нами в течении суток и в качестве бонуса, получите бесплатное составление оффера для Вашей рассылки! Наш E-mail: nenbupojar1977@mail.ru P.S. Извините за беспокойство, если мы с Вами уже сотрудничаем. С Уважением, команда FormMarketing
Zochin [172.58.92.34] 2020-08-28 09:02:05
Ene enkh amgalangiin urgiin bicheesiig 1 ard tumend 3 uyeer n saihan delgej taniltsuulj neelttei sonsgol hiimeet baina minii bodloor hovsgolruu 100 jiliin omno tariachin jungguo nar ih nuusen baidag. DAO yumuu DAN ovogtiin udamiin sangiin nolool etseg talaas n jintei nolooloh magadlaltai arhiviin barimtaas ish tataj harj suuhnee bas sonin yum ih garna shuu! Mongoliiin toloo geed yavj bui zondoog aliig ter gehev etseg n mon ch sain hun baij bilee tereg temeegee ooroosoo iluu uzdeg sain jolooch bailaa