Архангай аймгийн Батцэнгэл суманд коронавирусний хоёр тохиолдол батлагдлаа

Архангай аймгийн Онцгой комисс шуурхай хуралдаж, үүссэн нөхцөл байдлын талаар мэдээлэл өглөө.
Тус аймгийн Батцэнгэл суманд коронавирусний хоёр тохиолдол батлагдлаа. Тодруулбал аав, хүү хоёрын PCR шинжилгээний хариу эерэг гарчээ. Хүүгийн аав энэ сарын 15-ны өдөр хүнс тээвэрлэлтийн машинтай Архангай аймгийн Батцэнгэл суманд очсон байна. Улмаар хүүдээ /5 настай/ халдвар тараасан нь тогтоогджээ. Одоогоор аав, хүү хоёрын ойрын хавьтлуудыг олж тусгаарлах ажлуудыг зохион байгуулж байна.
Иргэн Б-гийн гэр нь сумын төвөөс 38 км-ийн зайд байдаг ба хот айлын 2 өрхийн 9 хүнийг түргэвчилсэн шинжилгээнд хамруулж, баталгаажуулахаар явуулсан байна. Өнөөдөр шинжилгээний хариу ирэхэд эдгээр 9 хүний 2 нь буюу аав, хүү хоёрын хариу эерэг, 7 нь сөрөг гарчээ.
Улаанбаатар хотод батлагдсан 1-р хавьтал хожуу илэрсэн ба ХӨСҮТ-ийн шуурхай удирдлагын нэгж, Архангай аймгийн Тагнуулын хэлтсээс Улаанбаатар хотод илэрсэн ойрын хавьтал Батцэнгэл суманд байгаа тухай мэдээлэл аймгийн Онцгой комисст 11 дүгээр сарын 27-ны 12 цаг 50 минутад ирүүлсэн байна.
Батлагдсан иргэн Б нь хөл хорио тогтоохоос өмнө Улаанбаатар хотод очсон бөгөөд ирэхдээ хувийн автомашиндаа дэлгүүрийн хүнс тээвэрлэн иржээ. Хүнс тээвэрлэсэн автомашиныг шууд нэвтрүүлэх журам хөл хорионы үеэр үйлчилж байгаа учраас иргэд өөрсдөө анхаарал болгоомжтой хандаж, дэглэмээ сайн барих нь чухал гэдгийг Архангай аймгийн тохиолдол харуулж байна.
Одоогийн байдлаар эхний хавьтлын 50 гаруй, 2 дугаар хавьтлын 100 гаруй иргэнийг олж тогтоогоод байгаа ба түргэвчилсэн шинжилгээг авч байгаа аж
Аймгийн Онцгой комиссын шийдвэрээр 2020 оны 12 дугаар сарын 01-ний 18:00 цаг хүртэл Архангай аймгийн Батцэнгэл, Ихтамир суманд хатуу хөл хорио буюу ТЭГ зогсолт хийж байна. Ихтамир сумын хувьд батлагдсан тохиолдлын 1-р хавьтагч болох иргэн З байгааг тандалт судалгаагаар тогтоосон. Тэдгээр иргэдийн хариу түргэвчилсэн оношлуураар сөрөг гарсан. PCR шинжилгээний хариу хараахан гараагүй байна. Бусад сумын хувьд хөл хорионы дэглэм хэвээр үргэлжилж байгаа ба иргэд хүнс нөөцлөх шаардлагагүй гэдгийг санууллаа.
Батлагдсан 2 өвчтөнийг ХӨСҮТ- д эмчлэх ба зөөвөрлөх бэлтгэл ажлыг хангаж байна.
Одоогийн байдлаар 2 өвчтөнийг суманд нь тусгаарласан ба биеийн байдал нь хэвийн, ямар нэг зовуурьгүй байгаа аж.
Зеленский: Москва зогсохгүй, Путины зорилго бол дайныг үргэлжлүүлэх
Шөвгийн 4 бөхөөс шинжилгээ авахыг 3 аймаг, 1 дүүрэг эсэргүүцжээ
Тэрбумтан Жефф Безос, Лорен Санчез нарын нууцлаг хуримын сонин хачин
“GEM mall” худалдааны төвд эмэгтэй хүнийг хутгалж, амь насыг нь хөнөөсөн хэрэг гарчээ
С.Молор-Эрдэнэ монголчуудтай “таарсан” анхны философич гэж үү?
Киев: ОХУ Украины стратегийн чухал ач холбогдолтой хотод 110.000 цэргээ байршуулсан байна
FIBA 3х3: Монголын эмэгтэй сагсчид түүх бүтээж, дэлхийн дэд аварга боллоо
Ван Дэян: Монголын нүүрс Хятадын хойд хэсгийн гэрлийг асаадаг
Ардчилсан намын ҮБХ, Их хурал наймдугаар сард хуралдаж, намын дараагийн даргаа тодруулна
“Хүннү хотын төлөвлөлтийн үзэл баримтлал” боловсруулах олон улсын нээлттэй сонгон шалгаруулалт эхэллээ