Монгол Улсын Их хурал 2020 онд Татварын тухай хуулийг шинэчлэн баталж Малын хөлийн татвар авах заалтыг оруулсан. Энэ хуулийн дагуу 0-2000 төгрөгийн татвар ногдуулах шийдвэр гарсан юм. Нийт нутгаар зуншлага тааруу болж, өвөлжилт хаваржилт хүндрэх төлөвтэй болсон, мөн цар тахалтай холбоотойгоор малчдын орлого эрс буурсан шалтгаанаар хэрэгжих хугацааг хойшлуулах саналыг УИХ-ын гишүүн Ц.Анандбазар гаргасан байна. Тэгвэл уг асуудлыг Ерөнхий сайд дэмжиж, өчигдөр хуралдсан Засгийн газар татвар авах хугацааг хойшлуулахыг дэмжлээ. Засгийн газрын 2020 оны 01 дүгээр сарын 04-ний өдрийн хуралдаанаар 2021 оны долоодугаар сарын 01 өдрийг хүртэл малын хөлийн татварыг “0” хувиар тогтоох буюу чөлөөлөх чиглэлийг аймаг, сумдын ИТХ, ЗДТГ-т зөвлөмж болгосон Засгийн газрын тэмдэглэл гаргасан байна. Албан татварын хэмжээг энэ хуулийн 6.1-д заасан хязгаарт багтаан сум, дүүргийн Иргэдийн Төлөөлөгчдийн Хурал малын төрөл тус бүрээр тогтооно” хэмээн заасан юм. Түүнчлэн “Албан татвар төлөгч энэ хуулийн дагуу ногдуулсан албан татварыг тэнцүү хоёр хуваан тухайн жилийн 7 дугаар сарын 15, 12 дугаар сарын 15-ны өдрийн дотор өөрийн өмчилж байгаа малын тоо толгой тоологдож бүртгэгдсэн сум, дүүргийн төсөвт төлнө” хэмээн хуульчилсан.