Гэтэл коронавируст цар тахал гарсан цагаас хойш иргэдийн эрх зөрчигдөх, эрүүл аюулгүй орчинд амьдрах эрхтэй иргэд амь насаа алдах тохиолдлууд тасрахгүй байна. Энэ талаар өнөөдөр иргэний үзэл бодлоороо нэгдсэн залуус мэдээлэл хийлээ. Тэд өнөөдөр нийгэмд тулгамдсан асуудлуудаар үзэл бодлоо илэрхийлэв.

Т.Ганболд: Дүлий, тоомжиргүй болсон төр засагт иргэдийн дуу хоолойг хүргэх үүднээс өнөөдрийн хэвлэлийн бага хурлыг зохион байгуулж байна. Ковидын нөхцөл байдалд манай улс орон төр засаг ямар менежмент, ямар оновчтой удирдлагаар хангаж байгааг олон нийт бүгд харж байгаа. Олон нийтийн бухимдал дургүйцэл асар их байгаа. Өнөөдөр мэдлэггүй, туршлагагүй дээр нь сэтгэлгүй нь давхцсан нөхцөл байдалд эрхтэн дархтнууд маань ард иргэдээ чиглүүлж байна. Эдийн засгийн хүнд зээлээс зээлийн хооронд, өрнөөс өрний хооронд орлогогүй шахуу, дэлхийн бусад хөгжилд хүрсэн орнуудтай харьцуулахад таваас арав дахин бага цалин орлоготой улсууд, дэлхийн хөгжилд хүрсэн улс орнуудаас хамаагүй өндөр үнэтэй хүнсний бараа бүтээгдэхүүн хэрэглэдэг нөхцөл байдалд байгааг хэн хүнгүй мэдэж байгаа. Сүүлийн үед болж байгаа үйл явдлууд ч гэсэн олон нийтийн маш их бухимдуулж байна. Маш олон ЖДҮ-гийн зээл авсан хүмүүс энэ бол зээл юмаа гэж тайлбарлаж байсан бол өнөөдөр ЖДҮ-гийнхэний хэлбэр нь Хөгжлийн банк руу эхнээсээ гарч эхэлж байна. Шинэ гишүүд нь аль хэдийнэ Хөгжлийн банкнаас асар их хэмжээний 30 гаруй тэрбум төгрөгийн зээл авчихсан байх жишээтэй. Үүнийг бас л хуулийг өөрсдийнхөө хэрэгцээ байдалд дүйцүүлж хийснээр тайлбарладаг аргацаасан зүйлүүд ярьж байна. Зориулалт нь өөр, хөгжлийн бодлогод суурилсан зориулалттай банкны зээлийг арилжааны зээл авахынхаа оронд ЖДҮ-гээс зээл авчихаад тэрийгээ арилжааны зээл юм шүү гэж тайлбарлачихаад үүнийхаа дагуу хууль батлуулж хүүнээс хөнгөлөгдөх хуулийн төсөл бариад явж байгаа нь үнэхээр ёс зүйгүй, олон нийтийг басамжилсан байдал болж байна. Та бүгд эдгээрийг бүгд харж байгаа. МҮОНТВ дээр болж байгаа үйл явдлыг харж байгаа. Намаас томилогдож, намын удирдлагуудын хэмжээнд шийддэгддэг асуудлууд дэлхийн хэмжээнд хумигдчихсан байгаа. Дэлхийн хөгжилд хүрсэн улс орнууд олон нийтийн уур амьсгал, иргэдийн хүсэл, бодолд нийцүүлж төр засаг нь өөрсдийнхөө шийдвэр, удирдлагаа хангадаг. Олон нийтийн телевиз дээр ч гэсэн намын харьяаллын хүн очоод намын бодлогоор шийдвэр нь саяхан гарчихсан байсан. Сарын дотор байгууллагын хамт олон эсэргүүцээд энэ асуудал эерэг тал руугаа явж л байна. Олон нийт үүн дээр дуу хоолойгоо нэгтгэж нэг нь нэгийгээ харлуулах биш, эрх мэдэлтнүүдийг зөв тийш нь чиглүүлж, зөв жишиг, сургамжийг өгч байх ёстой.

Өнөөдөр Үндсэн хуулийн нэмэлт өөрчлөлтөөр засгийг тогтвортой байлгах, засгийн тэргүүнд эрх мэдлийг хангалттай олгох, ингэхгүйгээр хариуцлагын тогтолцоо бүрэн алдагдаад байна гэдэг үндсэн дээрээс жил гаруйханы өмнө Үндсэн хуулийн нэмэлт өөрчлөлт хийгдсэн. Гэтэл өнөөдөр Засгийн газар, Засгийн тэргүүн өргөсөн тангараасаа няцаж, яаж хариуцлага алдаж, хийсэн хэргүүдээ хуулинд нийцүүлж тайлбарлах гэж ядаж байгаа хариуцлагатай албан тушаалтнууд, сайд нартайгаа хариуцлага тооцож байна. Уг нь тэр засгийн газрыг огцруулчихгүйгээр засгийн тэргүүнийг нь дархлаатай байлгах нөхцөл байдлыг нь хангаж байгаад, хариуцлага тооцож чаддаг болгох талаар ард иргэд энэ Үндсэн хуулийн өөрчлөлтийг дэмжсэн. Өнөөдөр хариуцлага тооцоод ажлаасаа огцорсон сайд байгаа юу. Хариуцлага алдсан нөхдүүдийг хэвлэл мэдээлэл олон нийтийн сүлжээгээр битүү явж байна. Өнөөгийн УИХ-ын гишүүд бүрдэхдээ өмнөх гишүүдээсээ улам илүү сайн, илүү нягтарсан, илүү ухамсартай орчин цагийн шаардлагын түвшинд хүрсэн л гэж сурталчлагдаад байсан. Яагаад УИХ-ын гишүүд нь эхнээсээ эхлээд ийм бусармаг үйлдлүүд гаргачихаад түүнийгээ ичихгүй хуулинд нийцэж байгаа гэж тайлбарлаж чадаж байна.Энэ бүхнийг олон нийт, хэвлэл, мэдээлэл, иргэдийн дуу хоолойгоор засаж залруулахаас өөр аргагүй.

А.Отгонбаатар: Тэмцэхээсээ биш, тэмцэхгүй байх нийгэмд амьдрахаасаа айгаасаа гэж хүсч байна. Өчигдөр нярай биетэй эхэд Монгол төр ямар харгис хандав аа. Иймээс өглөө би халаадтай жагсаал хийсэн. Энэ төрд суусан эрх мэдэлтнүүд огт дуугарахгүй байна. Мөн Х.Ганхуяг,Г.Амартүвшин, Г.Дамдинням гэх мэт хамгийн сайн хулгайчид УИХ-д гарч байна. Харин хамгийн шударга иргэд гудамжинд байна гэлээ. Түүнчлэн миний хүүхдүүд надаас ааваа эх орон чинь болохгүй байхад та юу хийж байсан юм бэ гэж асуухад би амьдрахын тулд амьд явсан биш, амьдрахын тулд амьдарсан шиг амьдарч хариу хэлмээр байна. Аав нь эх орныхоо төлөө, шударга бусын төлөө зулын гол болж явсан гэж хэлмээр байна. Өнөөдрийн монголчууд ийм арчаагүй амьдарч байна. УИХ-ын гишүүдээс эрх мэдэлтнүүдээс айдаг. Эрдэм боловсрол хүнд тэмцэх мэдлэг болдог болохоос долоох мэдлэг болдоггүй. Я.Содбаатарыг яаралтай огцруул гэсэн юм.

Б.Цэцэг: Г.Дамдинням, Г.Амартүвшин, Х.Ганхуяг гурав иргэдийн итгэлийг хөсөрдүүлчээд мартуулаад өнгөрнө гэж байхгүй шүү гэдгийг давтан хэлье. Дээрх гурван гишүүнийг 461 хэмээх төрийн ордонд залартал нь тэмцэнэ шүү. Та нарыг сонгож чадсан юм буулгаж бас чадна гэж хэллээ.

Бодит баримтаас харахад, 2020 оны 11 дүгээр сарын 23-ны өдөр Сэлэнгэ аймгаас тархинд нь цус харвасан 10 настай охин яаралтай эмнэлгийн тусламж авахаар ирсэн ч холбогдох байгууллагуудын хүнд суртлаас үүдэн 3 цагийн турш хүйтэн машинд тусламж хүлээх явцдаа бие нь хүндрэн, ЭХЭМҮТ-д ирсэн ч амь насаа алдсан эмгэнэлтэй үйл явдал болсон. Мөн 2020 оны 12 дугаар сарын 07-ны өдөр 22-ын товчоон дээр ирсэн Архангай аймгийн иргэн 58 настай эмэгтэйн бие нь муудаж, эмнэлгийн туслалцаа авч чадалгүй амь насаа алдсаныг монголын ард түмэн мартаагүй байгаа.Мөн өчигдөр ийнхүү дөнгөж төрсөн эхийг идэр есийн хүйтэнд халаадтай нь өөр эмнэлэг рүү шилжүүлсэн үйл явц ийнхүү иргэдийн дургүйцлийг ихэд хүргээд байна.